Ysay 42:25 - An Bibel Kernewek 20234 (Kernewek Kemmyn)

²⁵ Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Ysay 42:25 ပူးပေါင်းရင်းမြစ်များ

2 Myghternedh 25:9

Ev a loskas chi an Arloedh, ha chi an myghtern, hag oll chiow Yerusalem; pub chi bras ev a loskas gans tan.

Job 40:11

Dilesh tardhow dha sorr mir orth pub den goethus, ha'y uvelhe.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Ysay 47:7

Ty a leveris, ‘My a vydh mestres bys vykken.’ Ny withsys an taklow ma y'th kolonn, na perthi kov a'ga diwedh.

Ysay 48:8

Naneyl ny glewsys, na ny wodhves, a'n termyn koth ny veu dha skovarn igerys; rag y hwodhyen ty dhe vos pur draytus, hag a'th enesigeth ty a veu henwys dislel.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Ysay 57:11

Piw re berthsys own ha dout anodho, may leversys gow, ha na berthsys kov ahanav na worra hemma y'th kolonn? A nyns yw rag my dhe dewi a hirneth, ytho ny berthydh own ahanav?

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Yeremia 12:11

I a'n gwrug ynyal; ynyal, y kalar orthiv an tir oll yw gwrys ynyal, mes denvyth ny'n kemmer dhe golonn.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Kynvannow 2:3

Ev re hakkyas yn gwres y sorr pub korn a Ysrael, ev re dennas y leuv dhyghow dhe-ves dhiworta a-rag an eskar; ev re loskas erbynn Yakob kepar ha tan ow flammya, ow kowlleski a bub tu.

Kynvannow 2:4

Ev re blegyas y warak kepar hag eskar, y leuv dhyghow yw drehevys kepar hag envi; ev re ladhas pup-tra o plegadow dhe'n lagas; yn tylda myrgh Sion ev re dhinewis y sorr kepar ha tan.

Ezekiel 20:34

My a'gas dre yn-mes a'n poblow ha'gas kuntelles dhiworth an powyow le may fewgh skattrys, gans leuv grev, ha gans bregh ystynnys, ha gans sorr dinewys.

Hosea 7:9

Estrenyon re dhevoryas y nerth, ha ny woer. Blew loes yw lesys warnodho, ha ny woer.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.