Ysay 42:21 - An Bibel Kernewek 20234 (Kernewek Kemmyn)

²¹ Da o gans an Arloedh, dre reson y ewnder, moghhe an lagha ha'y gul gloryus.

Ysay 42:21 ပူးပေါင်းရင်းမြစ်များ

Salmow 138:2

My a ombleg troha'th tempel sans, hag a wormel dha hanow, drefenn dha dregeredh ha'th wiryonedh, rag ty re veurhas dha hanow ha'th lavar a-ugh pup-tra.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Salmow 71:16

My a dheu yn nerth an Arloedh DUW; my a dhre dhe gov dha ewnder jy dha honan.

Salmow 71:19

Ha'th ewnder, A Dhuw, a dhrehedh dhe'n ughelder, ty neb re wrug gwriansow meur; A Dhuw, piw yw avelos jy?

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 51:4

Goslowewgh orthiv, ow fobel, hag attendyewgh orthiv, ow henedhel; rag lagha a yn-mes a-dhiworthiv, ha'm ewnder a vydh golow dhe'n kenedhlow.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 3:15

Mes Yesu a worthybis ow leverel dhodho, ‘Gas henna dhe vos lemmyn, rag yndellma y tegoedh dhyn kollenwel pub ewnder.’ Ena ev a assentyas.

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 8:29

Yma genev vy ev neb a'm dannvonas. Ny'm gasas ow honan, rag pup-prys my a wra an pyth yw plegadow dhodho.’

Romanyon 10:4

Rag Krist yw penn an lagha rag ewnder dhe beub a grys.

Romanyon 3:31

A dhomhwelyn an lagha gans fydh? Kammenn vyth! Yn konter, ni a venten an lagha.

Romanyon 7:12

Rag an lagha yw sans, ha'n gorhemmynn yw ha sans ha teg ha da.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Galatianys 3:21

Ytho yw an lagha erbynn ambosow Duw? Bynner re bo! Rag mar pe lagha res a allsa bewhe, ewnder a via devri dhiworth lagha;

Dewteronomi 4:6

Gwaytyewgh dh'aga gul, rag hemm yw agas furneth ha'gas konvedhes a-wel dhe'n bobel neb a glew oll an ordenansow ma, ha neb a lever, ‘Yn hwir an genedhel vras ma yw pobel fur ha dhedhi konvedhes.’

Dewteronomi 4:8

Ha pana genedhel vras a's teves ordenansow ha breusow gwiryon kepar ha'n lagha ma esov ow settya a-ragowgh hedhyw?

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.