Ysay 41:9 - An Bibel Kernewek 20234 (Kernewek Kemmyn)

⁹ ty neb a gemmeris vy a bennow an norvys, ha'th helwel a'y bella sornow, ow leverel dhis, ‘Ty yw ow gwas, my re'th tewisas ha ny'th tewlis dhe-ves’;

Ysay 41:9 ပူးပေါင်းရင်းမြစ်များ

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 94:14

Drefenn na as an Arloedh y bobel; ha ny forsak y ertach.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 41:2

Piw a wrug dhe nebonan difuna dhiworth an howldrevel, orth y elwel dh'y servis yn ewnder? Ev a re kenedhlow a-ragdho, ha fetha myghternedh; ev a's gwra avel doust gans y gledha, avel sowl herdhys gans y warak.

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 44:1

Mes klew lemmyn, A Yakob, ow gwas, hag Ysrael neb re dhewisis!

Ysay 45:4

A-barth ow gwas Yakob, hag Ysrael, ow dewisys, my a'th elow orth dha hanow, my a re dhis les-hanow a enor, kyn na'm aswonnsys.

Malaki 1:2

My re'gas karas, yn-medh an Arloedh. Mes hwi a lever, ‘Fatell y'gan kersys?’ A ny veu Esaw broder Yakob? yn-medh an Arloedh, Hwath my re garas Yakob,

Luk 13:29

Hag i a dheu a'n howldrevel ha'n howlsedhes hag a'n kledh hag a'n dyghow hag esedha orth moes yn gwlaskor Duw.

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.