Ysay 41:5 - An Bibel Kernewek 20234 (Kernewek Kemmyn)

⁵ An arvoryow re welas hag own a's teves, pennow an bys a gren; i re nesas ha dos.

Ysay 41:5 ပူးပေါင်းရင်းမြစ်များ

Jenesis 10:5

Dhiworth an re ma ynysow an kenedhlow a veu rynnys yn aga thiryow, peub war-lergh y daves, war-lergh aga theyluyow yn aga henedhlow.

Salmow 65:8

Ynwedh an re a drig yn pella sornow an nor a berth own a'th toknys; ty a wra dhe borthow an bora ha'n gorthugher kana gormola.

Salmow 65:9

Ty a vir orth an nor ha'y dhowra, ty a wra dh'y feythter ynkressya; avon Duw yw leun a dhowr; ty a brovi ys ragdha, rag yndella ty re'n darbaris.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 67:7

Duw re'gan bennikko; ha perthes own anodho oll pennow an norvys.

Eksodus 15:14

An poblow re glewas; i a gren; gloesow re dhalghennas trigoryon Filistia.

Ysay 41:1

Bedhewgh tawel a-ragov, hwi ynysow; nowydhhes an poblow aga nerth, nesens i, ena kewsens i; nesyn ni war-barth rag breus.

Ysay 41:6

Peub a weres y gentrevek, hag a lever dh'y vroder, ‘Bydh krev!’

Ezekiel 26:18

Lemmyn an arvoryow a gren yn dydh dha goedh; an ynysow usi y'n mor a gemmer skruth orth dha dhibarth.

Yoshua 2:10

Ni re glewas fatell dhesyghas an Arloedh dowrow an Mor Rudh a-ragowgh pan ethewgh yn-mes a Ejyp, ha'n pyth a wrussowgh dhe dhew vyghtern an Amorysi esa dres an Yordan, dhe Sihon ha dhe Og, a sakersys dhe dhistruyans.

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.