Ysay 41:26 - An Bibel Kernewek 20234 (Kernewek Kemmyn)

²⁶ Piw a'n derivas a-dhia'n dhallethva, rag may hwodhvons, ha'y dharleverel rag may lavarren, ‘Ev yw gwirleveryas’? Nyns esa denvyth a'n derivas, na denvyth neb a'n dellos, na nebonan a glewas dha eryow.

Ysay 41:26 ပူးပေါင်းရင်းမြစ်များ

Ysay 41:22

Degens i ha derivens dhyn an pyth a hwyrvydh, derivens an taklow tremenys, pyth yns, rag may prederryn a-dro dhedha, rag may hwodhvyn aga siwyans; po derivewgh dhyn an taklow yw dhe dhos.

Ysay 41:4

Piw re wrug hag a gowlwrug hemma, ow kelwel an henedhow a-dhia'n dhallethva? My, an Arloedh, an kynsa, ha gans an re dhiwettha; my yw ev.

Ysay 43:9

Oll an kenedhlow re dheuth war-barth ha'n poblow res omguntellas. Piw yn aga mysk a dherivas hemma, ha darleverel an taklow kyns? Degens aga dustunioryon rag aga justifia, ha klewens ha leverens, ‘Gwir yw.’

Ysay 44:7

Piw yw haval dhymm? Dylles ev, meneges ev ha'y dhiskwedhes dhymm. Piw yw re dharleveris an taklow a dheu? Leverens dhyn an pyth yw hwath dhe dhos.

Ysay 45:21

Dyllewgh ha profyewgh agas ken; omgusulyens i war-barth. Piw a dharleveris hemma nans yw pell? Piw a'n dhellos seuladhydh? A nyns o my, an Arloedh? Nyns eus Duw a-der my, Duw gwiryon ha Selwador, nyns eus nagonan a-der my.

Ysay 46:9

Perthewgh kov a'n taklow koth a henys; rag my yw Duw, ha nyns eus ken; my yw Duw, ha nyns eus onan haval dhymm,