Ysay 41:20 - An Bibel Kernewek 20234 (Kernewek Kemmyn)

²⁰ rag may hwello tus ha godhvos, ynwedh prederi ha konvedhes, y hwrug dorn an Arloedh hemma ha'n Sans a Ysrael dh'y formya.

Ysay 41:20 ပူးပေါင်းရင်းမြစ်များ

Job 12:9

Piw eus yn mysk oll re ma na woer leuv Duw dhe wul hemma?

Salmow 109:27

may hwodhvons bos hemma dha leuv jy, hag y feu ty, A Arloedh, a'n gwrug.

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Ysay 28:29

Hemma ynwedh a dheu dhiworth Arloedh an luyow, neb yw marthys yn kusul, ha meur y dhoethter.

Ysay 29:24

An re a wander yn spyrys a dheu dhe gonvedhes, ha'n re a grodhvol a dhegemmer dyskans.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 41:4

Piw re wrug hag a gowlwrug hemma, ow kelwel an henedhow a-dhia'n dhallethva? My, an Arloedh, an kynsa, ha gans an re dhiwettha; my yw ev.

Ysay 43:15

My yw an Arloedh, agas Sans, formyer Ysrael, agas myghtern.

Ysay 43:21

an bobel a formis ragov ow honan, rag may teriffens ow gormola.

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Niverow 23:23

Rag nyns eus dewinieth erbynn Yakob, na koel erbynn Ysrael. Lemmyn y fydh leverys a Yakob, hag a Ysrael, “Pandr'a wrug Duw!”

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.