Ysay 41:2 - An Bibel Kernewek 20234 (Kernewek Kemmyn)

² Piw a wrug dhe nebonan difuna dhiworth an howldrevel, orth y elwel dh'y servis yn ewnder? Ev a re kenedhlow a-ragdho, ha fetha myghternedh; ev a's gwra avel doust gans y gledha, avel sowl herdhys gans y warak.

Ysay 41:2 ပူးပေါင်းရင်းမြစ်များ

Jenesis 11:31

Teragh a gemmeras Abram y vab ha Lot mab Haran, mab y vab ev, ha Saray y wohydh, gwreg y vab Abram, hag i eth yn-mes gansa dhiworth Ur an Kaldeanys mayth ellens dhe bow Kanan, hag i a dheuth dhe Haran ha triga ena.

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

2 Samuel 22:43

My a's brew munys avel doust an dor; my a's trett yn-dann dreys avel leys an stretys.

2 Myghternedh 13:7

Nyns esa gesys dhe Yehoahaz lu a voy ages hanter-kans marghek ha deg charett, ha deg mil droesek; rag myghtern Aram re's distrusa, ha re wrussa dhedha bos kepar ha doust drushya.

2 Kroniklys 36:23

‘Yndellma y lever myghtern Kyrus a Persia: An Arloedh, Duw an nev, re ros dhymmo oll ruvanethow an norvys, hag ev re worhemmynnis dhymm may treheffiv chi yn Yerusalem. Piw pynag yn agas mysk a oll y bobel, re bo ganso an Arloedh y Dhuw, hag es ev yn-bann.’

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Ysay 40:24

Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.

Ysay 41:25

My a wrug dhe onan difuna dhiworth an gledhbarth hag ev a dheu, dhiworth an howldrehevel, hag ev a elow war ow hanow. Ev a stank war rewloryon kepar dell ve war leys, dell drett an priweythor an pri.

Ysay 41:3

Ev a's helgh ha tremena yn sawder, war hynsyow ma na drettyas y dreys.

Ysay 42:6

My yw an Arloedh, my re'th helwis yn ewnder, my a'th syns er an leuv, ha dha witha, my re'th ros yn kevambos dhe'n bobel, golow dhe'n kenedhlow,

Ysay 45:1

Yndellma y lever an Arloedh dh'y untys, dhe Kyrus, neb a synsis vy er y leuv dhyghow, rag fetha kenedhlow a-ragdho, ha dhe dhigelmi diwglun myghternedh, dhe igeri darasow a-ragdho, ha ny vydh yetys deges:

Ysay 45:13

My a wrug dhodho difuna yn ewnder, ha my a wra oll y fordhow kompes. Ev a dhrehav ow sita, ha delivra ow divresow, a-der a wober nag a bewas, yn-medh Arloedh an luyow.

Ysay 46:11

ow kelwel edhen-breydh dhiworth an howldrevel, an gour rag ow forpos a vro bell. My re gewsis, ha my a'n kowlwra; my re dewlis, ha my a'n gwra.

Ysay 48:15

My, my ow honan re gewsis ha'y elwel, my re'n dros, hag ev a wra seweni yn y fordh.

Kynvannow 1:15

An Arloedh re dewlis diwdhorn dhe-ves oll ow thus krev y'm mysk; ev a guntellas lu er ow fynn rag brewi flour ow gwer yowynk; an Arloedh re drettyas kepar hag yn gwinwask war an wyrghes, myrgh Yuda.

Ebrowyon 7:1

Rag an ‘Melkisedek ma, myghtern Salem, oferyas Duw an Ughella, a dheuth erbynn Abraham ow tehweles a-dhiworth ladhva an vyghternedh, ha'y venniga’;

Diskwedhyans 16:12

Ha'n hweghves a skoellyas y fiol war an avon vras Ewfrates; ha'y dowr a veu syghys may halla bos pareusys fordh an vyghternedh dhiworth an howldrevel.

Diskwedhyans 7:2

Ha my a welas ken el ow tos yn-bann dhiworth an howldrevel ha sel an Duw bew ganso, hag ev a armas, ughel y lev, dhe'n peswar el may feu grontys dhedha pystiga an dor ha'n mor,