Ysay 41:18 - An Bibel Kernewek 20234 (Kernewek Kemmyn)

¹⁸ My a vynn igeri avonyow war an ugheldiryow moel, ha fentynyow yn mysk an nansow; my a wra an difeythtir poll dowr, ha'n dor sygh fentynyow dowr.

Ysay 41:18 ပူးပေါင်းရင်းမြစ်များ

Salmow 104:10

Ev a dhyllo fentynyow y'n nansow; resek a wrons yn mysk an menydhyow;

Salmow 105:41

Ev a igoras an garrek, ha'n dowrow a dhewragas; avonyow a resas y'n syghtiryow.

Salmow 107:35

Ev a dreyl an difeyth dhe boll a dhowr, ha tir sygh dhe fentynyow dowr.

Salmow 126:4

Treyl, A Arloedh, agan kethneth kepar ha goverow yn difeyth an dyghow.

Salmow 46:4

Yma avon, ha'y goverow a lowenha sita Duw, an tyller sans, trigva an Ughella.

Ysay 12:3

Hwi a denn dowr gans lowena dhiworth an fentynyow a selwyans.

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 33:21

Mes ena an Arloedh meuredhek a vydh dhyn tyller a avonyow ha goverow ledan; ny vydh gorholyon gans roevow ow mos ynno, na ny vydh lester bras ow tremena dresto.

Ysay 35:1

An gwylvos ha'n tir sygh a vydh heudh, ha'n difeythtir a lowenha ha bleujyowa; avel an safron pras

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Zekaria 14:8

Y'n jydh na dowr bew a wra mos yn-mes dhiworth Yerusalem, hanter anodho dhe vor an howldrevel ha hanter anodho dhe vor an howlsedhes: y hwyrvydh yn hav hag yn gwav.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’

Breusysi 15:19

Yndella Duw a folsas igor an pans usi yn Lehi, ha dowr a dheuth anodho, ha'y spyrys a dhasvewas. Ytho henwys o En-hakkore, usi yn Lehi bys y'n jydh hedhyw.