Ysay 41:17 - An Bibel Kernewek 20234 (Kernewek Kemmyn)

¹⁷ Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 41:17 ပူးပေါင်းရင်းမြစ်များ

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

1 Myghternedh 17:8

Ena ger an Arloedh a dheuth dhodho, ow leverel,

2 Kroniklys 6:17

Lemmyn, A Arloedh, Duw Ysrael, surha dha er a leversys dhe'th was Davydh.

Salmow 22:15

Ow nerth yw desyghys avel darn a briweyth, ha'm taves a len orth ow grudh; ha ty a'm gorr yn doust ankow.

Salmow 34:6

An den truan ma a elwis, ha'n Arloedh a glewas, ha'y sawya a'y ankenyow oll.

Salmow 37:25

Yowynk veuv, lemmyn koth ov vy, mes bythkweth ny welis an den gwiryon gesys, na'y has ow peggya bara.

Salmow 42:2

Yma dhe'm enev syghes war-lergh Duw, an Duw bew. P'eur tov vy hag omdhiskwedhes a-dherag Duw?

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 74:21

Na dhehweles an den truan yn disenor; gormeles an boghosek ha'n edhommek dha hanow.

Salmow 94:14

Drefenn na as an Arloedh y bobel; ha ny forsak y ertach.

Eksodus 17:3

Mes an bobel a's tevo syghes ena rag dowr, ha'n bobel a grodhvolas war Moyses, ow leverel, ‘Prag y'gan hembrenksys yn-mes a Ejyp, dh'agan ladha ha'gan fleghes ha'gan gwarthek dre syghes?’

Eksodus 17:6

Otta, my a sev a-ragos ena war an garrek yn Horeb, ha ty a wra gweskel an garrek, ha dowr a wra dos anedhi mayth effo an bobel.’ Ha Moyses a wrug yndella a-wel henavogyon Ysrael.

Ysay 30:19

Ytho an bobel yn Sion, trigys yn Yerusalem, ny oel namoy. Ev a gemmer truedh ahanas orth son dha gri; kettell y'n klew, ev a'th worthyp.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 43:20

An bestes gwyls a'm enor, an owrgeun ha'n strusyow; rag my a re dowr y'n difeythtir, avonyow y'n gwylvos, dhe ri diwes dhe'm pobel dhewisys,

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Yeremia 31:25

Rag my re walghas an enev skwith, ha pub enev ahwerek my a dhaslenow.

Kynvannow 4:4

Taves an baban ow tena a len orth y stevnik gans syghes, fleghigyow a bys bara, nyns eus neb a'n re dhedha.

Ezekiel 47:8

Yn-medh ev dhymm, ‘Yma'n dowr ma ow resek yn-mes troha ranndir an est, hag ow mos yn-nans dhe'n Araba; pan dheu bys y'n mor, bys yn mor an dowrow trenk, an dowr a vydh yaghhes.

Matthew 5:3

‘Gwynn aga bys an re yw boghosek yn spyrys, rag dhedha i yw gwlaskor nev.

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Luk 16:24

Hag ev a elwis ha leverel, “A Das Abraham, kemmer truedh ahanav ha dannvon Lazarus rag may trogghyo bleyn y vys yn dowr ha yeynhe ow thaves, rag tormentys ov y'n flamm ma.”

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.