Ysay 41:16 - An Bibel Kernewek 20234 (Kernewek Kemmyn)

¹⁶ Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 41:16 ပူးပေါင်းရင်းမြစ်များ

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 28:5

Y'n jydh na Arloedh an luyow a vydh kurun a glori, garlont a dekter rag remenant y bobel,

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 29:5

Mes routh dha estrenyon a vydh avel ponn, ha'n routh fell a vydh avel us ow tremena dhe-ves. Ena yn pols, distowgh,

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 40:24

Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 60:19

Ny vydh an howl golow ragos byth moy dydhweyth, na ny vydh golow dhis splannder an loer; mes an Arloedh a vydh dhis golow bys vykken, ha dha Dhuw a vydh dha glori.

Ysay 65:18

Mes lowenhewgh ha bedhewgh heudhik bys vykken y'n pyth a wrav y greatya; rag awottavy ow kreatya Yerusalem dhe vos joy, ha'y fobel heudhder.

Yeremia 15:7

Ha my a's gwynsell gans forgh-dhrushya yn yetow an tir; my a's gwrug anvap, my a dhistru ow fobel, a-ban na dhehwelsons a'ga fordhow.

Yeremia 51:2

ha my a dhannvon gwynselloryon dhe Babylon, hag i a's gwynsell. I a wakha hy thir pan dhons er hy fynn a bub tu yn dydh an ahwer.

Yeremia 51:20

Ty yw kaspoel dhymm, ow arv vatel: genes my a vrew kenedhlow; my a dhistru gwlaskordhow;

Yeremia 51:33

Rag yndellma y lever Arloedh an luyow, Duw Ysrael: Myrgh Babylon yw avel leur-drushya y'n termyn mayth yw trettys; hwath unn pols byghan ha termyn hy threvas a dheu.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Hosea 11:9

Ny gowlwrav ow honnar fell; ny dhehwelav dhe dhistrui Efraym: rag Duw ov vy a-der gour; an Sans yn agas mysk, ha ny dhov vy yn sorr.

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Habakkuk 3:18

hwath my a lowenha y'n Arloedh, ha my a vydh heudhik yn Duw ow selwyans.

Matthew 3:12

Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –