Ysay 41:10 - An Bibel Kernewek 20234 (Kernewek Kemmyn)

¹⁰ na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:10 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 31:5

ha leverel dhedha, ‘My a wel nag yw fas dha das troha my avel kyns, mes re beu Duw ow thas genev vy.

Jenesis 49:24

mes y warak a dhuryas fyrv ha giow y dhiwdhorn dre dhiwdhorn an Galloesek a Yakob, yn hanow an Bugel, karrek Ysrael,

2 Samuel 22:19

I a dheuth er ow fynn yn dydh ow therroes; mes an Arloedh re beu skoedhyans dhymm.

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

2 Kroniklys 32:8

Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

Salmow 144:11

Saw vy a beryll an kledha, ha gwra ow delivra dhiworth leuv estrenyon; aga ganow a lever euveredh, ha'ga leuv dhyghow yw leuv dhyghow a falsuri.

Salmow 144:8

Aga ganow a lever euveredh, ha'ga leuv dhyghow yw leuv dhyghow a falsuri.

Salmow 145:14

An Arloedh a skoedh oll an re yw koedhys, hag ev a dhrehav oll an re yw plegys dhe'n dor.

Salmow 147:12

Gormel an Arloedh, A Yerusalem, gormel dha Dhuw, A Sion.

Salmow 18:36

Ty a ros spas ledan rag ow hammow yn-dannov, ma na drebuchyas ow dewufern.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 29:11

An Arloedh a re nerth dh'y bobel; an Arloedh a vennik y bobel gans kres.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Salmow 37:17

Rag breghow an debeles a vydh terrys, mes an Arloedh a venten an re wiryon.

Salmow 37:24

Kyn koettho, ny vydh ev tewlys sket dhe-ves, rag an Arloedh a'n menten gans y leuv.

Salmow 41:12

Ha my, ty a'm menten heb namm, ha'm gorra a-dheragos bynitha.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 63:8

Ow enev a len orthis; dha leuv dhyghow a'm menten.

Salmow 65:5

Ty a worthyp dhyn gans taklow euthyk yn ewnder, A Dhuw agan selwyans; ty, neb yw fydhyans oll pennow an nor, ha'n re usi pell war an mor.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Eksodus 20:20

Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Ysay 37:6

yn-medh Ysay dhedha, ‘Leverewgh yndellma dh'agas arloedh, “Yndellma y lever an Arloedh: Na borth own a'n geryow a glewsowgh, ma'm arvedhas gwesyon myghtern Assyria dredha.

Ysay 43:5

Na borth own, rag yth esov genes; dhiworth an howldrevel y trov dha has, dhiworth an howlsedhes y'th kuntellav.

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 50:9

An Arloedh Duw yth yw neb a'm gweres; piw a lever ow bos kablus? I oll a vydh usys avel kweth, an goedhan a's deber.

Ysay 52:7

Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 60:19

Ny vydh an howl golow ragos byth moy dydhweyth, na ny vydh golow dhis splannder an loer; mes an Arloedh a vydh dhis golow bys vykken, ha dha Dhuw a vydh dha glori.

Kynvannow 3:57

Ty a dheuth nes y'n jydh mayth elwis warnas, ‘Na borth own’, yn-medhydh.

Daniel 10:12

Hag y leveris dhymm, ‘Na borth own, Daniel, rag a-dhia'n kynsa dydh may hworrsys dha vrys dhe gonvedhes, hag omuvelhe a-rag dha Dhuw, re beu klewys dha eryow, ha devedhys ov drefenn dha eryow.

Daniel 6:16

Ena an myghtern a worhemmynnis, hag i a dhros Daniel ha'y dewlel yn fow an lewyon. Yn-medh an myghtern dhe Daniel, ‘Re wrello dha Dhuw, neb a servydh prest, dha dhelivra!’

Hosea 1:9

Ena an Arloedh a leveris, ‘Hanw e Lo-ammi, a-ban nyns owgh hwi ow fobel, ha nyns ov vy agas Duw.’

Haggay 1:13

Ena Haggay, kannas an Arloedh, a dherivas messaj an Arloedh dhe'n bobel, ow leverel: Yth esov genowgh yn-medh an Arloedh.

Haggay 2:5

Hemma a gevambosis genowgh pan dheuthewgh yn-mes a Ejyp; ow spyrys a bes yntredhowgh, na berthewgh own.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Luk 1:13

An el a leveris dhodho, ‘Na borth own, Zakaria, rag klewys re beu dha bysadow, ha'th wreg Elisabeth a dhineyth mab dhis, ha ty a'n henow Yowann;

Luk 1:30

Ha'n el a leveris dhedhi, ‘Na borth own, Maria, rag ty re gavas gras gans Duw.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Filippianys 4:13

My a yll gul pup-tra dredho ev neb a re dhymm nerth.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Breusysi 6:16

An Arloedh a leveris dhodho, ‘My a vydh genes, ha ty a wysk yn-nans an Midyanysi, yn kettep penn anedha.’