Ysay 40:9 - An Bibel Kernewek 20234 (Kernewek Kemmyn)

⁹ Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 40:9 ပူးပေါင်းရင်းမြစ်များ

2 Kroniklys 13:4

Abia a sevis war venydh Semaraym usi yn bro venydhyek Efraym, hag a leveris, ‘Goslowewgh orthiv, Yeroboam hag oll Ysrael!

Ysay 1:1

Gwelesigeth Ysay mab Amos a welas a-dro dhe Yuda ha Yerusalem yn dydhyow Uzzia, Yotham, Ahaz, ha Hezekia, myghternedh Yuda.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 35:2

ev a vleujyow, ha lowenha gans heudh ha kana. Glori Lebanon a vydh res dhodho, splannder Karmel ha Sharon; i a wel glori an Arloedh, splannder agan Duw.

Ysay 41:27

My re beu an kynsa neb a dherivas dhe Sion, ‘Awottensi!’ My a re dhe Yerusalem kannas a nowodhow da.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Ysay 52:6

Rakhenna ow fobel a wra aswonn ow hanow; rakhenna y'n jydh na i a woer my dhe vos neb a gews; awottavy.

Ysay 58:4

Otta, hwi a benys rag gul strif ha freudh ha dhe weskel gans dorn dhrog. Penys kepar dell esowgh orth y wul y'n jydh ma ny yll gul dh'agas lev bos klewys y'n ughelder.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Yeremia 22:20

Yskynn bys yn Lebanon ha kri; ha drehav dha lev yn Bashan, kri a-dhiworth Abarim; rag oll dha garoryon yw distruys.

Yeremia 29:11

Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Oberow 2:14

Mes ow sevel gans an unnek, Peder a dhrehevis y lev hag arethya orta, ‘Gwer Yudi ha myns eus trigys yn Yerusalem, bedhes hemma godhvedhys dhywgh, ha goslowewgh orth ow lavarow.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Oberow 4:29

Ha lemmyn, Arloedh, mir orth aga godrosow ha gront dhe'th wesyon kewsel dha er gans pub kolonnekter,

Romanyon 10:18

Mes my a lever, A wrussons i klewes? Gwrussons yn hwir! Rag ‘Dhe'n bys oll yth eth aga lev, ha'ga geryow dhe bennow an norvys.’

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

1 Peder 3:14

Mes mar kodhevowgh ynwedh rag ewnder, gwynn agas bys. Na berthewgh own rag euth anedha, ha na vedhewgh troblys,

Breusysi 9:7

Pan veu henna derivys dhe Yotham, ev eth hag a sevis war warthav menydh Gerizim, hag a grias yn ughel hag a leveris dhedha, ‘Goslowewgh orthiv, hwi arlydhi Shekem, rag may hwoslowo Duw orthowgh.