Ysay 40:28 - An Bibel Kernewek 20234 (Kernewek Kemmyn)

²⁸ A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Ysay 40:28 ပူးပေါင်းရင်းမြစ်များ

Jenesis 21:33

Hag Abraham a blansas tamariskenn yn Beer-sheba ha gelwel ena war hanow an Arloedh, Duw heb diwedh.

Job 38:18

A gonvedhsys ledander an norvys? Lavar dhymm mar kodhes oll hemma.

Salmow 138:8

An Arloedh a gowlwra y vynnas ragov; dha dregeredh, A Arloedh, a dhur bys vykken; na dhispres oberow dha dhiwleuv.

Salmow 139:6

Re varthys ragov yw an skians na; re ughel yw, ny wonn drehedhes dhodho.

Salmow 145:3

Meur yw an Arloedh hag ev a dal bos gormelys yn fras, ha ny yllir hwithra y veuredh.

Salmow 147:5

Meur yw agan Arloedh, ha meur yw y nerth; heb fin yw y gonvedhes.

Salmow 90:2

Kyns an menydhyow dhe vos dineythys, po kyns ty dhe formya an tir ha'n norvys, trank heb worfenn ha bys vykken, ty yw Duw.

Ysay 37:26

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Ysay 40:21

A ny wodhowgh? A ny glewsowgh? A ny veu kewsys dhywgh a-dhia'n dhallethva? A ny gonvedhsowgh a-ban veu selys an bys?

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 59:1

Awotta, nyns yw leuv an Arloedh re verr dhe sawya, ha nyns yw y skovarn re boes dhe glewes.

Ysay 66:9

A wrav vy terri an dorr igor ha skonya dineythi? yn-medh an Arloedh. A wrav vy, neb a dhri dhe dhineythyans, skonya dh'y wul? yn-medh dha Dhuw.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Mark 16:14

Wosa henna ev a omdhiskwedhas dhe'n unnek hag i esedhys dhe dhybri, hag a's keredhis a'ga diskryjyans ha kaletter aga holonn, drefenn na wrussons krysi dhe'n re a'n gwelsa, hag ev dasserghys.

Mark 9:19

Mes ev a worthybis dhedha ha leverel, ‘A henedh diskryjyk, pes termyn y fydhav vy genowgh? Pes termyn y hwrav agas perthi? Drewgh e dhymm.’

Luk 24:25

Hag yn-medh ev dhedha, ‘A hwi dalsogh ha lent an golonn dhe grysi yn pup-tra a gewsis an brofoesi!

Yowann 14:9

Yn-medh Yesu dhodho, ‘Esen vy genowgh termyn mar hir, ha ny'm aswonnsys, Felip? Neb re'm gwelas vy re welas an Tas; ha fatell leverydh, “Diskwa dhyn an Tas”?

Yowann 5:17

Mes Yesu a worthybis dhedha, ‘Ow Thas a ober bys lemmyn, ha my ynwedh a ober.’

Oberow 13:47

Rag yndella an Arloedh re'gan gorhemmynnis: “My re'th ordenas avel golow dhe'n Jentilys, rag dri selwyans bys yn penn pella an norvys.” ’

Romanyon 16:26

mes lemmyn yw diskudhys ha, der an skrifow profoesek, war-lergh gorhemmynn an Duw heb diwedh, rag gostytter a fydh, yw dyllys dhe'n gwlaskordhow oll:

1 Korinthianys 2:16

‘Rag piw re gonvedhas brys an Arloedh may hwrello y gevarwoedha?’ Mes ni a'gan beus brys Krist.

1 Korinthianys 6:16

A ny wodhowgh, neb a gesun gans hora dhe dhos ha bos gensi unn korf? Rag dell yw skrifys, ‘An dhew a wra dos ha bos unn kig.’

1 Korinthianys 6:19

A ny wodhowgh hwi bos agas korf tempel an Spyrys Sans a-bervedh ynnowgh, hag a'gas beus dhiworth Duw? Ny berghennowgh agas honan;

1 Korinthianys 6:9

A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

1 Samuel 2:10

Eskerens an Arloedh a vydh brewys; ev a darenn er aga fynn a-dhiworth nev. An Arloedh a vreus pennow an nor; ev a re galloes dh'y vyghtern, hag ughelhe korn y untys.’