Ysay 40:24 - An Bibel Kernewek 20234 (Kernewek Kemmyn)

²⁴ Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.

Ysay 40:24 ပူးပေါင်းရင်းမြစ်များ

2 Samuel 22:16

Ena yth omdhiskwedhas leuryow an mor, selyow an norvys a veu diskudhys, orth keredh an Arloedh, orth hwyth anall y dhewfrik.

2 Myghternedh 10:11

Ytho Yehu a ladhas peub o gesys a ji Ahab yn Yezreel, hag oll y dus veur, ha'y gerens, ha'y oferysi, bys pan ny asas ev dhodho denvyth ow skapya.

Job 21:18

Peskweyth yth yns kepar ha kala' a-rag an gwyns, ha kepar ha kulyn degys dhe-ves gans an tewedh?

Job 4:9

Gans anall Duw yth ons dhe goll, ha gans hwyth y sorr yth yns devorys.

Job 8:17

Y wreydh yw plethys a-dro dhe'n karnedh; hag i a hwila tyller yn mysk an karregi.

Salmow 58:9

Kyns agas kalteryow dhe synsi toemmder an spern, gwres ev aga hemmeres dhe-ves hwath yn few, dell ve gans korwyns.

Salmow 83:13

A Dhuw, gwra i avel has askall, avel kulyn a-rag an gwyns.

Lavarow Koth 1:27

pan dheu skruth warnowgh avel tewedh, ha'gas terroes a dheffo avel korwyns, pan dheffo fienasow hag angoes warnowgh.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 17:11

kyn hwredh dhedha tevi y'n jydh ma's plensydh, ha gul dhedha bleujyowa y'n myttin ma's graffydh, hwath an drevas a fi dhe-ves yn dydh a galar ha payn heb remedi.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ysay 37:7

Ottavy ow korra ynno spyrys, ha pan glew kyhwedhel, ev a dhehwel dh'y bow y honan; ha my a wra dhodho koedha der an kledha yn y bow y honan.” ’

Ysay 40:7

An gwels a wedher, gyllys krin yw an vleujenn, drefenn anall an Arloedh dhe hwytha warnodho; avel gwels yw an bobel diogel.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 41:2

Piw a wrug dhe nebonan difuna dhiworth an howldrevel, orth y elwel dh'y servis yn ewnder? Ev a re kenedhlow a-ragdho, ha fetha myghternedh; ev a's gwra avel doust gans y gledha, avel sowl herdhys gans y warak.

Yeremia 22:30

Yndellma y lever an Arloedh, Skrifewgh an gour ma avel anvap, gour na sewen yn y dhydhyow; rag ny sewen nagonan a'y has, dhe esedha war dron Davydh, na rewlya arta yn Yuda.

Yeremia 23:19

Otta, korwyns an Arloedh! konnar res eth yn-mes, hag annawel ow troyllya: troyllya a wra war benn an debeles.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Hosea 13:3

Rakhenna i a vydh avel kommolenn-vyttin, hag avel an gluth a dremen a-varr, hag avel us yw hwythys a leur-drushya gans an awel, hag avel mog a fenester.

Nahum 1:14

Ha'n Arloedh re ros gorhemmynn y'th kever: ‘Ny vydh has dhiworth dha hanow namoy; dhiworth chi dha dhuwow y troghav dhe-ves an imaj gravys ha'n imaj teudh; my a bareus dha vedh; rag ty yw distyr.’

Haggay 1:9

Hwi a hwilas kemmys, hag otta, boghes; ha pan y'n dresowgh tre my a'n hwythas dhe-ves. Prag? yn-medh Arloedh an luyow. Rag ow chi yw magor, ha hwi a boen, peub dh'y ji y honan.

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,