Ysay 40:22 - An Bibel Kernewek 20234 (Kernewek Kemmyn)

²² Ev a esedh war gylgh an bys, ha'y drigoryon avel kulyoges-reden yth yns; ev a ystynn an nevow avel vayl, hag a's les avel tylda ynno may trigir.

Ysay 40:22 ပူးပေါင်းရင်းမြစ်များ

Jenesis 1:6

Hag yn-medh Duw, ‘Bedhes fyrmament yn mysk an dowrow, ow kul dibarth ynter an dowrow ha'n dowrow.’

Job 22:14

Kommol tew a'n mayl ma na wel ev, hag ev ow kerdhes war gylgh an nev.”

Job 26:7

Ev a ystynn ebron an kledh a-ugh an wagva, hag ev a greg an bys war dravyth.

Job 36:29

Piw a gonvedh omlesans an kommol, po taran y babell?

Job 37:18

A yllydh, kepar hag ev, ystynn an nevow, mar grev avel mirour teudhys?

Job 9:8

Ev y honan a ystynn an nevow, ha stankya war vordonnow an mor.

Salmow 104:2

ty a omwisk yn golow kepar hag yn kweth, ha ty a dhisplet an nevow avel kroglenn;

Salmow 18:11

Ev a wrug tewlder y gudhans, y babell a-dro dhodho, kommol tew a dhowr y'n ebron.

Salmow 19:4

Aga lev a yn-mes dhe oll an nor, ha'ga lavarow dhe bennow an norvys. Ynna y hworras ev tylda rag an howl,

Salmow 2:4

Neb a esedh y'n nevow a hwerth; an Arloedh a wra ges anedha.

Salmow 29:10

An Arloedh a esedh yn y se war an liv; ha'n Arloedh a esedh avel Myghtern bys vykken.

Salmow 68:33

dhe neb a varghok war an nevow, an nevow koth; otta, ev a dhyllo y lev, ha henn yw lev galloesek.

Lavarow Koth 8:27

Pan settyas an nevow yn aga le, yth esen vy ena, pan dhelinyas kylgh war enep an downvor,

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 37:16

‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Ysay 40:15

Otta, an kenedhlow yw avel banna dhiworth kelorn, hag avel polter war an vantol synsys yns. Otta, ev a gemmer an ynysow yn-bann avel ponn.

Ysay 40:17

An kenedhlow oll yw avel mann a-ragdho; synsys yns ganso le es mann, ha gwakter.

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Yeremia 10:12

Ev yw neb a wrug an nor der y nerth, ev re fondyas an nor der y furneth hag ystynn an nevow der y dhoethter.

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Niverow 13:33

Hag ena ni a welas an Nefilim (mebyon Anak a dheuth dhiworth an Nefilim), hag yth en ni yn agan dewlagas agan honan kepar ha kulyeges-reden, hag yndellma o agan semlans dhedha i.’