Ysay 40:2 - An Bibel Kernewek 20234 (Kernewek Kemmyn)

² Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Ysay 40:2 ပူးပေါင်းရင်းမြစ်များ

Jenesis 34:3

Ha'y enev a lenas orth Dina, myrgh Yakob, hag ev a garas an vowes ha kewsel yn kuv dhe'n vowes.

2 Kroniklys 30:22

Hezekia a gewsis ow kennertha an Levysi a dhiskwedhas konvedhes da yn servis an Arloedh. Seyth dydh i a dhybris aga rann apoyntys, ow sakrifia offrynnow kres, hag owth aswonn grasow dhe'n Arloedh, Duw aga thasow.

Salmow 32:1

Gwynnvys neb yw gevys y gammweyth, ha neb yw kudhys y beghes.

Salmow 85:3

Ty re gemmeras dhe-ves oll dha sorr; ty re dreylyas dhiworth dha sorr fers.

Eksodus 22:3

Mars yw sevys an howl warnodho y fydh kabel-goes ragdho. Ev a wra daskorrans; mar ny'n jeves travyth ena ev a vydh gwerthys drefenn y ladrynsi.

Ekklesiastes 3:4

Prys dagrewi ha prys hwerthin; prys kyni ha prys donsya.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 14:3

Y'n jydh may hwra an Arloedh ri dhis powes dhiworth dha alar ha'th ankres ha dhiworth an ober kales a veus gwrys dhe lavurya ynno,

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 49:25

Mes yndellma y lever an Arloedh: Kethyon a vydh kemmerys dhiworth breselyas hogen, ha preydh turant a vydh sawys, rag my a striv gans an re a striv orthis, ha my a saw dha fleghes.

Ysay 51:17

Difun, difun! Sav yn-bann, A Yerusalem, ty neb re evas orth dorn an Arloedh hanaf y sorr, neb re evas bys y'n godhes an bolla a vedhwenep.

Ysay 53:5

Mes rag agan kammweythresow y feu ev goliys, brewys rag agan peghosow; ev a borthas an geredh a dhre dhyn kres, ha gans y strokosow sawys on.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 54:15

Otta, mar kwra nebonan omsettyans, nyns yw dhiworthiv vy; keniver a omsett er dha bynn, koedha a wra a'th wovis.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 6:7

Ev a dochyas ow ganow, ha leverel, ‘Awotta, homma re dochyas dha dhiwweus ha treylys dhe-ves yw dha anewnder, ha gevys yw dha begh.’

Ysay 61:7

Yn le agas meth hwi a gyv dewblek, hag yn le despit i a lowenha yn aga rann; rakhenna i a erit dewblek yn aga thir, hag y fydh dhedha joy heb diwedh.

Ysay 66:13

Avel flogh yw konfortys gans y vamm, yndella my a'gas konfort; hwi a vydh konfortys yn Yerusalem.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 17:18

Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Yeremia 29:11

Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Yeremia 51:10

An Arloedh re dhros yn-mes agan gwiryow: dewgh, derivyn yn Sion ober an Arloedh agan Duw.

Kynvannow 4:22

Kowlwrys yw kessydhyans dha sherewneth, a vyrgh Sion, ny wra ev dha witha yn divroedh na fella; ev re wrug dha gessydhya drefenn dha sherewneth, a vyrgh Edom, ha diskudha dha beghosow.

Ezekiel 16:42

My a gyv powes a'm sorr warnas, ha'm avi a dreyl dhiworthis; my a vydh kosel, ha ny vydhav serrys arta.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Daniel 12:9

Hag ev a leveris, ‘Ke, Daniel, rag y fydh an taklow ma gwithys yn-dann gel ha selys bys prys an diwedh.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Daniel 9:2

yn kynsa blydhen y reyn, my, Daniel, a gonvedhas der an lyvrow bos niver an vlydhynyow rag kowlwul gwastyans Yerusalem, herwydh ger an Arloedh dhe Yeremia an profoes, deg blydhen ha tri-ugens.

Hosea 2:14

Ytho, awotta, my a wra hy dynya, ha'y hembronk dhe'n difeyth, ha my a gows yn hegar dhedhi.

Hosea 2:16

Y'n jydh na, yn-medh an Arloedh, ty a'm gelow ‘Ow gour’, ha ny'm gelwydh byth moy ‘Ow Baal.’

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Sefania 3:15

An Arloedh a gemmeras dhe-ves dha vreusow, ev re fesyas dha eskar: yma myghtern Ysrael, an Arloedh, a-berth ynnos: ny' fydh own a dhroktra namoy.

Zekaria 1:13

An Arloedh a worthybis an el a gewsis orthiv gans geryow a guvder ha konfort.

Zekaria 1:15

mes sorr bras a'm beus orth an kenedhlow yw attes. My a sorras nebes orta, mes i a weresas an galar.

Zekaria 9:12

Dehwelewgh dh'agas skons, prisnoryon govenek; hwath hedhyw my a dheriv y restoryav dewblek dhis.

Oberow 1:7

Ev a leveris dhedha, ‘Nyns yw dhywgh hwi godhvos na prysyow na sesonyow re settyas an Tas der y awtorita y honan.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Diskwedhyans 18:6

Rewgh dhedhi arta kepar dell ros hi ynwedh, ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.