Ysay 40:10 - An Bibel Kernewek 20234 (Kernewek Kemmyn)

¹⁰ Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 40:10 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Salmow 110:6

Ev a vreus yn mysk an kenedhlow; ev a's lenow a gorfow marow, ha brewi kregyn yn lies bro.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Ysay 28:2

Otta, yma dhe'n Arloedh onan yw krev ha galloesek, kepar ha tewedh keser, annawel terroesus, kepar ha tewedh dowrow meur ow fenna. Gans y leuv ev a's deghes yn-nans dhe'n nor.

Ysay 33:2

A Arloedh, bydh grassyes orthyn; ni re'th wortas. Bydh agan bregh pub myttin, ha'gan selwyans yn termyn ankres.

Ysay 49:4

Mes my a leveris, ‘Yn euver re lavuris, ha spena ow nerth rag travyth ha rag gwakter; byttegyns yma ow gwirvreus gans an Arloedh, ha'm pewas gans ow Duw.’

Ysay 51:5

Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Ysay 59:16

Ev a welas na veu denvyth, hag ev a'n jevo marth na veu denvyth dhe vos mayn; rakhenna y vregh a wrug selwyans ragdho, ha'y ewnder a'n sostenas.

Ysay 59:18

Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ysay 63:5

My a viras, mes nyns esa denvyth ow kweres; skruth a'm kemmeras, nag esa denvyth ow skoedhya; ytho ow bregh ow honan a wrug delivrans, ha'm sorr a'm skoedhyas.

Yeremia 31:16

Yndellma y lever an Arloedh: Gwith dha lev rag oela, ha'th tewlagas rag dagrow; rag dha ober a vydh gobrys, yn-medh an Arloedh: i a dhehwel a-dhiworth tir an eskar;

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Yowann 12:13

a gemmeras skorrennow palm ha mos yn-mes dh'y vetya, hag i a grias, ‘Hosanna! Benniges yw neb a dheu yn hanow an Arloedh! Myghtern Ysrael!’

Yowann 12:15

‘Na gemmer own, myrgh Sion; otta, dha vyghtern a dheu, esedhys war ebel asen.’

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 22:12

‘Otta, my a dheu yn skon, hag yma ow gober genev, dhe ri dhe beub kepar dell yw y ober.