Ysay 4:6 - An Bibel Kernewek 20234 (Kernewek Kemmyn)

⁶ Hi a vydh goskes dhe woskeusi rag syghor dydhweyth, ha skovva ha kudh rag tewedh ha glaw.

Ysay 4:6 ပူးပေါင်းရင်းမြစ်များ

Salmow 27:5

Rag ev a'm kel yn y skovva yn dydh anken; yn goskes y dylda ev a'm kudh; ev a'm gorr war-vann war garrek.

Salmow 55:8

My a fisa toeth men dhe skovva rag an korwyns ha'n annawel.’

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 32:1

Otta, myghtern a reyn yn ewnder ha pennsevigyon a wovern gans gwirvreus.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 8:14

Ev a vydh sentri, ha men trebuchya ha karrek koedha dhe dhew ji Ysrael, hag antell ha maglenn rag annedhysi Yerusalem.

Ezekiel 11:16

Rakhenna lavar: Yndellma y lever an Arloedh Duw: Kynth y's dannvonas pell yn mysk an kenedhlow, ha'ga skattra yn mysk an gwlasow, my a vydh meneghi ragdha pols byghan y'n gwlasow may teuthons di.

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Diskwedhyans 7:16

Ny's tevydh nown namoy, na syghes. Ha'n howl ny wra koedha warnedha, na toemmder vyth.