Ysay 4:2 - An Bibel Kernewek 20234 (Kernewek Kemmyn)

² Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 4:2 ပူးပေါင်းရင်းမြစ်များ

Salmow 67:6

An dor re ros y drevas; Duw, agan Duw re'gan bennigas.

Salmow 72:16

Re bo kals ys y'n tir ow tegrena war benn an menydhyow; re bo y frut avel Lebanon, ha re sewenno tus an sita avel gwels an dor.

Eksodus 28:2

Ha ty a wra gwiskasow sans a-barth Aron dha vroder, rag gordhyans ha rag tekter.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 27:6

Y'n termyn a dheu, gwreydhya a wra Yakob, Ysrael a egin ha bleujyowa ha lenwel enep an nor a frut.

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Ysay 45:8

Dinewewgh, A nevow, a-wartha, ha'n kommol, diverens ewnder; bedhes an dor igerys, ha deges selwyans avel frut, hag egines ewnder war-barth ganso. My, an Arloedh re'n kreatyas.

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ysay 60:15

Kyn feus forsakys ha kesys, heb denvyth ow tremena, my a'th kwra meuredh bys vykken, lowena a henedh dhe henedh.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 33:15

Y'n dydhyow na hag y'n termyn na my a wra Skorrenn a wiryonedh dhe sevel rag Davydh; ev a wra gwirvreus hag ewnder y'n tir.

Yeremia 44:14

ny wra nagonan a remenant Yuda, yw gyllys dhe driga yn pow Ejyp, diank na skapya dhe dhehweles dhe bow Yuda dhe driga ena; kyn hwansons dehweles dhe driga ena, ny dhehwelons, marnas nebes fowesigyon.

Yeremia 44:28

Ha'n re a dhienk a'n kledha a dhehwel yn-mes a bow Ejyp dhe bow Yuda, boghes aga niver; hag oll remenant Yuda, yw gyllys dhe driga yn pow Ejyp, a wra godhvos pyneyl yw an ger a sev, ow ger vy po aga ger i.

Ezekiel 34:29

My a brovi ragdha tyller gerys-da rag plansa, ha ny vydhons kemmerys arta gans divoetter y'n tir, na berthi arta despit a'n kenedhlow.

Ezekiel 36:8

Mes hwi, menydhyow Ysrael, hwi a ystynn agas skorrow ha doen agas froeth rag ow fobel Ysrael, rag i a dheu dhe-dre yn skon.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Obadia 1:17

Mes war venydh Sion y fydh remenant a'n re a dhienk, hag y fydh tyller sans. Ha chi Yakob a dhaskemmer eretons an dus a gemmersa aga eretons i.

Zekaria 3:8

Goslow, a Yoshua an arghoferyas, ty ha'th keskowetha owth esedha a-ragos, rag tokyn yns i, my dhe dhri ow gwas, an Skorrenn.

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Matthew 24:22

Ha mar ny ve an dydhyow na gwrys kott, ny via kig vyth selwys; mes rag an re dhewisys an dydhyow na a vydh gwrys kott.

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Peder 1:16

Ny siwsen hwedhlow gwrys yn konnyk ha ny ow terivas dhywgh galloes ha devedhyans agan Arloedh Yesu Krist, mes ny re welas y vraster gans agan dewlagas ni.