Ysay 39:3 - An Bibel Kernewek 20234 (Kernewek Kemmyn)

³ Ena Ysay an profoes a dheuth dhe vyghtern Hezekia, hag yn-medh ev dhodho, ‘Pandr'a leveris an wer ma hag a-ble teuthons dhis?’ Yn-medh Hezekia, ‘Dhiworth gwlas pell y teuthons dhymm, dhiworth Babylon.’

Ysay 39:3 ပူးပေါင်းရင်းမြစ်များ

2 Samuel 12:1

An Arloedh a dhannvonas Nathan dhe Davydh. Ev a dheuth dhodho, ha leverel dhodho, ‘Yth esa dew wour yn neb unn sita, an eyl rych ha'y gila boghosek.

2 Kroniklys 16:7

Y'n termyn na an gwelesydh Hanani a dheuth dhe Asa myghtern Yuda, hag a leveris dhodho, ‘Drefenn ty dhe fydhya yn myghtern Aram, a-der fydhya y'n Arloedh dha Dhuw, lu myghtern Aram re dhienkas dhiworthis.

2 Kroniklys 19:2

Yehu mab Hanani an gwelesydh eth dhe vetya ganso hag a leveris dhe vyghtern Yehoshafat, ‘Yw da ty dhe weres an tebelwas ha kara an re hag a gas an Arloedh? Rag henna sorr a dheu warnas dhiworth an Arloedh.

2 Kroniklys 25:15

An Arloedh a sorras orth Amasia, hag a dhannvonas dhodho profoes, a leveris dhodho, ‘Prag re hwilsys duwow an bobel ma, na yllens delivra aga fobel aga honan a'th leuv jy?’

Ysay 38:1

Y'n dydhyow na Hezekia o klav bys yn eneworres, hag Ysay mab Amos an profoes a dheuth dhodho, ha leverel dhodho, ‘Yndellma y lever an Arloedh: Roy arghadow dhe'th chi, rag ty a verow ha ny vewydh.’

Ysay 38:5

‘Ke ha lavar dhe Hezekia, Yndellma y lever an Arloedh, Duw Davydh dha das: My re glewas dha bysadow, my re welas dha dhagrow; awottavy ow keworra dhe'th tydhyow pymthek blydhen.

Ysay 39:4

Yn-medh ev, ‘Pandr'a welsons yn dha ji?’ Ha Hezekia a leveris, ‘I re welas pup-tra eus yn ow chi; nyns eus travyth yn mysk ow thresoryow na wrugavy y dhiskwedhes dhedha.’

Yeremia 4:16

Menegewgh dhe'n kenedhlow, ‘Ottava’; dyllewgh erbynn Yerusalem, ‘Yma eskerens ow tos a bow pell, hag i a lev erbynn sitys Yuda.

Yeremia 5:15

Otta, my a dhre warnowgh kenedhel a bellder, A ji Ysrael, yn-medh an Arloedh: kenedhel yw neb a dhur, kenedhel goth, kenedhel anedhi na wodhes hy yeth, na konvedhes an pyth a leverons.

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Yoshua 9:6

I eth dhe Yoshua, dhe'n kamp yn Gilgal, ha leverel dhodho ha dhe wer Ysrael, ‘Ni re dheuth dhiworth pow pell; ytho gwrewgh kevambos genen lemmyn.’

Yoshua 9:9

I a leveris dhodho, ‘Dha wesyon re dheuth dhiworth pow pur bell, drefenn hanow an Arloedh dha Dhuw; rag ni re glewas ger-da yn y gever, ha pup-tra a wrug yn Ejyp,