Ysay 39:2 - An Bibel Kernewek 20234 (Kernewek Kemmyn)

² Hezekia a wolkommas an kannasow, hag ev a dhiskwedhas dhedha y dresorva, an arghans, an owr, an spisys, an oyl drudh, oll y withva-arvow, ha pup-tra kevys yn y dresoryow. Ny veu travyth na wrug Hezekia y dhiskwedhes dhedha yn y ji hag yn oll y ruvaneth.

Ysay 39:2 ပူးပေါင်းရင်းမြစ်များ

1 Myghternedh 10:10

Ena hi a ros dhe'n myghtern hwegh-ugens talent a owr, myns meur a spisyow, ha gemmweyth drudh; bythkweth arta ny dheuth an spisyow yn kemmys palster ages an pyth a ros myghternes Sheba dhe vyghtern Solomon.

1 Myghternedh 10:15

keffrys ha'n tollow a dheuth a'n genwerthoryon hag a negys an varghadoryon, ha trubyt oll myghternedh Arabia ha governours an tir.

1 Myghternedh 10:2

Hi a dheuth dhe Yerusalem gans koskordh pur veur, gans kowrvergh ow toen spisyow, ha meur a owr, ha gemmow drudh; ha pan dheuth hi dhe Solomon hi a leveris dhodho pup-tra esa yn hy brys.

1 Myghternedh 10:25

Pubonan a dhri ro, lestri arghans hag owr, dillas, ethennow hweg, spisyow, mergh ha mulyon, blydhen wosa blydhen.

2 Myghternedh 20:13

Hezekia a's wolkommas, ha diskwedhes dhedha oll y dresorva, an arghans, an owr, an spisyow, an oyl drudh, y arvji, pup-tra a veu kevys yn y withvaow; nyns esa travyth yn y ji po yn y wlaskor oll na dhiskwedhas Hezekia dhedha.

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

2 Kroniklys 32:27

Hezekia a'n jevo rychys meur hag enor, hag ev a wre ragdho y honan tresorvaow rag arghans, rag owr, rag meyn drudh, rag spisyow, rag skoesow, ha rag traow kostek a lies eghenn;

2 Kroniklys 32:31

Yndella yn kas kannasow ledyoryon Babylon ynwedh, an re a veu dannvenys dhodho rag govynn orto a-dro dhe'n marathus re bia gwrys y'n tir, Duw a'n gasas y honan oll rag y brevi ha rag godhvos oll esa yn y golonn.

2 Kroniklys 9:1

Pan glewas myghternes Sheba a vri Solomon, hi a dheuth dhe Yerusalem rag ma'n proffa gans govynnow kales, ha gensi koskordh pur vras, kowrvergh ow toen spisyow, ha kals a owr ha meyn drudh. Pan dheuth dhe Solomon, hi a gewsis ganso a bup-tra esa yn hy brys.

2 Kroniklys 9:9

Ena hi a ros dhe'n myghtern hwegh-ugens talent a owr, shour a spisys ha meyn drudh: ny via bythkweth spisys parow dhe'n re a ros myghternes Sheba dhe vyghtern Solomon.

Job 31:25

mar lowenhis drefenn bos meur ow golusogneth, po drefenn ow leuv dhe waynya meur;

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Ekklesiastes 7:20

Rag nyns eus den gwiryon y'n norvys a wra dader ha ny begh mann.

Yeremia 17:9

An golonn yw fel dres pup-tra, ha drog dres remedi: piw a's aswonn?

2 Korinthianys 12:7

ha dre gnas fest dibarow an diskwedhyansow. Rakhenna, ma na dheffen ha bos re woethus, y feu res dhymm dreynenn y'n kig, el Satnas, ma'm kronkya ma na ven re woethus.

1 Yowann 1:8

Mar leveryn na'gan bos peghes, yth omdoellyn, ha nyns usi an gwirder ynnon.