Ysay 38:3 - An Bibel Kernewek 20234 (Kernewek Kemmyn)

³ ha leverel, ‘A Arloedh, porth kov, my a'th pys, fatell esen ow kerdhes a-ragos yn gwiryonedh hag a leun golonn, ha my re wrug an pyth yw da y'th wolok.’ Ha Hezekia a oelas yn hwerow.

Ysay 38:3 ပူးပေါင်းရင်းမြစ်များ

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 6:9

An re ma yw henedhow Noy. Noy o gour gwiryon ha perfydh yn y dermyn hag yth esa Noy ow kerdhes gans Duw.

1 Myghternedh 15:14

Mes ny veu an tylleryow ughel kemmerys dhe-ves. Byttegyns kolonn Asa o perfydh gans an Arloedh oll y dhydhyow.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

2 Myghternedh 18:3

Ev a wrug an pyth o ewn yn golok an Arloedh, kepar ha pup-tra a wrug Davydh y das.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:19

Gront dhe Solomon ow mab kolonn berfydh dhe witha dha worhemmynnow, dha dhustuniow ha'th ordenansow, dhe wul pup-tra, ha dhe dhrehevel an palys, a wrugavy y dharbari.’

1 Kroniklys 29:9

An dus a lowenhas, rag an rohow dhe vos res dhe'n Arloedh a'ga bodh hag a leun golonn. Myghtern Davydh ynwedh o pur lowen.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

2 Kroniklys 25:2

Ev a wrug an pyth o ewn yn golok an Arloedh, mes a-der a leun golonn.

Ezra 10:1

Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur.

Nehemia 1:4

Pan glewis vy an geryow ma, my a esedhas hag oela, ha kyni dres lies dydh, ha penys ha pysi a-rag Duw nev.

Nehemia 13:14

Porth kov ahanav, ow Duw, rag oll hemma, ha na dhefend ow oberow da a wrug vy rag chi ow Duw, hag yn y servis.

Nehemia 13:22

Ena my a erghis dhe'n Levysi may omlanhahens ha mos ha gwitha an yetow rag sanshe dydh an sabot. Porth kov a hemma ynwedh y'm favour, ow Duw, ha kemmer truedh ahanav herwydh braster dha dregeredh.

Nehemia 13:31

Ha my a brovias keunys rag an offrynn yn termynyow apoyntys, ha'n kynsa frut. Porth kov ahanav, ow Duw, rag da.

Nehemia 5:19

Porth kov ahanav rag ow les, ow Duw, war-lergh pup-tra a wrug vy rag an bobel ma.

Salmow 101:2

My a omdheg yn fur yn fordh dhivlam. P'eur fydhydh ow tos dhymm? My a gerdh gans kolonn lan a-berth y'm chi.

Salmow 102:9

Rag my re dhybris lusu avel bara, ha kemmyska ow diwes gans oelva,

Salmow 119:80

Bedhes ow holonn perfydh y'th ordenansow, ma na berthiv meth.

Salmow 16:8

My re worras an Arloedh prest a-dheragov; drefenn y vos ev a'm leuv dhyghow, ny drebuchyav.

Salmow 26:3

Rag yma dha dregeredh a-dherag ow dewlagas, ha my re gerdhas y'th wirder.

Salmow 32:2

Gwynnvys an den na reken an Arloedh kammweyth dhodho, ha nag eus falsuri yn y spyrys.

Salmow 6:6

Skwith ov vy a'm hanasa; pub nos my a lyb ow gweli; gans ow dagrow my a soub ow growedhva.

Salmow 6:8

Diberthewgh dhiworthiv, hwi dhrogoberoryon oll; rag an Arloedh re glewas lev ow oelva.

Ysay 38:2

Ena Hezekia a dreylyas y fas dhe'n fos ha pysi war an Arloedh,

Ysay 38:4

Ena ger an Arloedh a dheuth dhe Ysay, ow leverel,

Hosea 12:4

Ev a strivyas gans an el ha prevaylya; ev a oelas hag a bysis favour dhiworto. Ev a'n kavas yn Bethel, hag ena y kewsis ganso:

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Dewteronomi 6:18

Gwra an pyth yw ewn ha da a-wel dhe'n Arloedh, rag may fo yn ta dhis, ha may tyffi hag erita an tir da a dos an Arloedh dhe'th tasow,

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.