20 An Arloedh a'm saw, ha ni a gan gans daffar kerdyn oll dydhyow agan bewnans yn chi an Arloedh.
My a gan dhe'n Arloedh hedre vewiv; my a wormel ow Duw ha my hwath yn few.
Drefenn ev dhe blegya y skovarn dhymm, rakhenna my a elow warnodho hedre vewiv.
My a'th ughelha, A Dhuw an Myghtern, ha my a vennik dha hanow bys vykken ha bynnari.
Pub dydh y'th vennigav, ha gormel dha hanow bys vykken ha bynnari.
Hedre vewiv y hwormolav an Arloedh; my a gan gormola dhe'm Duw ha my hwath yn bosva.
Gormelewgh ev gans an tabour ha'n dons; gormelewgh ev gans kerdyn ha'n bib.
Lowenhewgh y'n Arloedh, hwi an re wiryon. Gormola yw gwiw dhe'n re ewnhynsek.
Gormelewgh an Arloedh gans sowtri; kenewgh gormola dhodho gans telynn a dheg kordenn.
A Arloedh, igor ow diwweus, ha'm ganow a dhiskwa dha wormola.
I re welas dha geskerdh, A Dhuw, keskerdh ow Duw, ow Myghtern, y'n sentri.
An ganoryon eth a-rag, an menestrouthi gans daffar kerdyn eth a-dryv, yn aga mysk yth esa morenyon ow tonsya gans tabouryow.
Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.
Ena an Arloedh a gewsis orth an pysk, hag ev a hwyjas Yona yn-mes war an tir sygh.
An Arloedh Duw yw ow nerth, hag ev a wra ow threys kepar ha treys ewigow, hag ev a wra dhymm kerdhes war ow thylleryow ughel. Dhe'n penn-kenysi war dhaffar kerdyn.