Ysay 38:15 - An Bibel Kernewek 20234 (Kernewek Kemmyn)

¹⁵ Pandr'a lavarav? Ev re gewsis dhymm, hag ev y honan re'n gwrug. My a gerdh yn lent oll ow blydhynyow drefenn hwerowder ow enev.

Ysay 38:15 ပူးပေါင်းရင်းမြစ်များ

1 Myghternedh 21:27

Pan glewas Ahab an geryow na, ev a skwardyas y dhillas ha gorra saghlenn war y gig noeth; ev a wrug penys, growedha y'n saghlenn, ha mos a-dro yn foredhek.

2 Myghternedh 4:27

Pan dheuth hi dhe wour Duw, dhe'n venydh, hi a synsis y dreys. Gehazi a dheuth nes rag hy herdhya dhe-ves. Mes gour Duw a leveris, ‘Gas hi, hwerow yw hy enev; an Arloedh re'n kudhas a-dhiworthiv ha ny'n leveris dhymm.’

Ezra 9:10

‘Ha lemmyn, pandr'a yllyn ni leverel, agan Duw, wosa hemma? Rag ni re forsakyas dha worhemmynnow,

Job 10:1

‘Kasadow yw ow bewnans dhymm; my a lever ow krodhvol yn rydh; my a gews yn hwerowder ow enev.

Job 21:25

Y gila a verow hwerow y enev, heb tastya bythkweth travyth da.

Job 7:11

‘Rakhenna ny fronnav ow ganow; my a gews yn angoes ow spyrys; my a grodhvol yn hwerowder ow enev.

Salmow 116:1

My a gar an Arloedh, rag ev re glewas lev ow govynnadow.

Lavarow Koth 31:6

Ro korev dhe'n re usi yn eneworres, ha gwin dhe'n re usi yn hwerowder an enev.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Yowann 12:27

‘Lemmyn ow enev yw troblys; ha pandr'a lavarav? “A Das, gwra ow selwel dhiworth an eur ma”? Mes rakhemma y teuth vy bys y'n eur ma.

Yoshua 7:8

A Arloedh, pandr'a lavarav, pan dreylyas Ysrael aga hilbenn dh'aga eskerens?

1 Samuel 1:10

Ha hi o grevys yn town hag a bysis war an Arloedh, hag oela yn hwerow.