Ysay 38:13 - An Bibel Kernewek 20234 (Kernewek Kemmyn)

¹³ My a wrowedhas bys vyttin; avel lew, yndella ev a derr oll ow eskern; dydh ha nos ty a'm dre dhe dhiwedh.

Ysay 38:13 ပူးပေါင်းရင်းမြစ်များ

1 Myghternedh 20:36

Ena ev a leveris dhodho, ‘Drefenn nag es gostydh dhe lev an Arloedh, kettell vydhydh diberthys ahanav, lew a'th ladh.’ Ha pan dhibarthas anodho, lew a'n kavas ha'y ladha.

Job 7:6

Skaffa ages gwennel gwiader yw ow dydhyow, hag i a worfenn heb govenek.

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 39:10

Kemmer dha strekys dhiworthiv; dre voemmenn dha leuv yth av vy dhe goll.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Salmow 51:8

Gwra dhymm klewes lowena ha heudhder, may lowenhaho an eskern a vrewsys.

Salmow 7:2

ma na dorrons ow enev avel lew, orth y skwardya, ha nyns eus delivrer.

Salmow 90:5

Ty a worr diwedh dhedha avel dhe hunros; y'n myttin yth yns avel gwels ow tevi.

Kynvannow 3:4

Ev a wrug dhe'm kig ha'm kneus bos spenys, ev a dorras ow eskern.

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.