Ysay 37:7 - An Bibel Kernewek 20234 (Kernewek Kemmyn)

⁷ Ottavy ow korra ynno spyrys, ha pan glew kyhwedhel, ev a dhehwel dh'y bow y honan; ha my a wra dhodho koedha der an kledha yn y bow y honan.” ’

Ysay 37:7 ပူးပေါင်းရင်းမြစ်များ

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Job 15:21

Yma sonyow euthyk yn y dhiwskovarn; yn sewena an distruer a dheu warnodho.

Job 4:9

Gans anall Duw yth ons dhe goll, ha gans hwyth y sorr yth yns devorys.

Salmow 58:9

Kyns agas kalteryow dhe synsi toemmder an spern, gwres ev aga hemmeres dhe-ves hwath yn few, dell ve gans korwyns.

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Ysay 37:9

An myghtern a glewas y teuth Tirhaka myghtern Kush yn-mes dhe vatalyas orto. Pan glewas hemma, ev a dhannvonas kannasow dhe Hezekia, ow leverel,