Ysay 37:36 - An Bibel Kernewek 20234 (Kernewek Kemmyn)

³⁶ Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 37:36 ပူးပေါင်းရင်းမြစ်များ

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

1 Kroniklys 21:12

po teyr blydhen a dhivoetter, po tri mis ow fia a-rag dha eskerens ha kledha dha eskerens orth dha dhistrui; po tri dydh a gledha an Arloedh, plag y'n pow hag el an Arloedh ow tistrui dres oll tiredh Ysrael.” Lemmyn ervir py gorthyp y kemmerav dhodho ev neb a'm dannvonas.’

1 Kroniklys 21:16

Davydh a dhrehevis y dhewlagas ha gweles el an Arloedh ow sevel yntra nor ha nev, hag yn y leuv kledha noeth ystynnys yn-mes war Yerusalem. Y'n eur na Davydh ha'n henavogyon, gwiskys yn yskar, a goedhas war aga fas.

Job 24:24

Ughelhes yns pols, hag ena gyllys; iselhes yns, hag i a wedher kepar ha'n malow, ha treghys kepar ha pennow greun.

Job 34:20

I a verow yn pols, yn kres an nos; shakys yw an bobel hag i dremen dhe-ves, ha kemmerys dhe-ves yw an alloesogyon heb leuv densys.

Eksodus 12:23

Rag an Arloedh a wra tremena dhe weskel an Ejyptianys, ha pan wel goes war benn an daras ha'n dhew bost-daras, an Arloedh a wra tremena dres an daras, ha ny wra gasa an distruer dhe entra agas chiow dh'agas gweskel.

Eksodus 12:30

Ha Faro a sevis y'n nos, ev ha'y servysi oll, hag Ejyp oll; hag yth esa kri meur yn Ejyp, rag nyns esa chi ma nag esa onan marow.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 10:25

Yn pols pur vyghan sorrvann er agas pynn a worfenn, ha'm sorr a dreyl dh'aga distruyans i.

Ysay 10:26

Arloedh an luyow a wra dhe skorja difuna er aga fynn, kepar dell weskis Midyan orth karrek Oreb, ha'y lorgh a vydh war an mor, kepar hag yn Ejyp.

Ysay 27:7

A wrug ev aga gweskel dell weskis an re a's gweskis? Po a vons ledhys kepar dell veu ledhys an re a's ladhas?

Ysay 29:5

Mes routh dha estrenyon a vydh avel ponn, ha'n routh fell a vydh avel us ow tremena dhe-ves. Ena yn pols, distowgh,

Ysay 31:8

‘Assyria a goedh der an kledha a-der dre wour, ha kledha, nag yw a vab-den, a's devor. I a fi dhe'n fo rag an kledha ha'ga gwer yowynk a vydh gorrys dhe hwel krev.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Mika 5:6

Bugelya a wrons an tir a Assyria dre gledha, ha'n tir a Nimrod dre gledha noeth; hag i a'gan delirv dhiworth Asshur pan dheffo yn agan tir ha trettya a-berth yn agan or.

Nahum 1:12

Yndellma y lever an Arloedh: Kyn fons i krev hag ynwedh lies aga niver, hwath i a vydh treghys yn-nans, ha tremena dhe-ves. Kyn re'th grevis, ny wrav dha revya namoy.

Nahum 3:3

an marghek ow kodros, an kledha ow lughesi, an guw ow terlentri; niver bras a dus ledhys, ha kals a garynyes, korfow diniver; i a drebuch war aga horfow marow.

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.