Ysay 37:26 - An Bibel Kernewek 20234 (Kernewek Kemmyn)

²⁶ ‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Ysay 37:26 ပူးပေါင်းရင်းမြစ်များ

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Salmow 17:13

Sav, A Arloedh, deus er y bynn, doro e dhe'n dor! Delirv ow enev dhiworth an tebelwas, dre dha gledha;

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

Ysay 17:1

Profoesans a-dro dhe Damaskus. Otta, ny vydh Damaskus sita na fella, mes y fydh kals a vagoryow.

Ysay 40:21

A ny wodhowgh? A ny glewsowgh? A ny veu kewsys dhywgh a-dhia'n dhallethva? A ny gonvedhsowgh a-ban veu selys an bys?

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Ysay 22:11

Hwi a wrug kreun ynter an dhiw fos rag dowr an poll koth, mes ny virsowgh orth y Wrier na gweles neb a'n furvyas nans yw pell.