Ysay 37:25 - An Bibel Kernewek 20234 (Kernewek Kemmyn)

²⁵ My re balas puthow hag eva dowrow; my re dhesyghas dre wodhen ow throes oll goverow Ejyp.”

Ysay 37:25 ပူးပေါင်းရင်းမြစ်များ

1 Myghternedh 20:10

Ben-hadad a dhannvonas dhodho ha leverel, ‘Re wrello an duwow yndellma dhymm, ha moy keffrys, mars eus doust lowr gesys yn Samaria dhe ri dornas dhe bubonan a'n bobel a'm siw.’

Ysay 10:13

Rag yn-medh ev, ‘Dre nerth ow leuv re'n gwrug vy, ha der ow furneth, rag bos genev konvedhes. My re removas oryon poblow, ha ravna aga thresorvaow, ha dri rewloryon dhe'n dor avel kasor nerthek.

Ysay 10:14

Ow leuv re gavas, avel neyth, rychys an poblow; ha kepar dell guntellir oyow forsakys, yndella my re guntellas oll an norvys; nagonan ny wayas askell na igeri y anow, na gryllya.’

Ysay 19:5

Dowr dhiworth an mor a dhesygh, ha gweli an avon a vydh kras ha sygh.

Ysay 19:6

An dowrgleudhyow a vydh flerys, ha kanolyow Ejyp a fyll ha sygha. Kors ha keun a wedher;

Ysay 36:12

Mes yn-medh an Rabshake, ‘A wrug ow arloedh ow dannvon dhe gewsel an geryow ma dhe'th arloedh ha dhiso jy, a-der dhe'n wer usi owth esedha war an fos, yw destnys genowgh hwi dhe dhybri aga hawgh hag eva aga urin?’

Dewteronomi 11:10

Ynwedh, an tir mayth esos ow tos di dh'y erita, nyns yw haval dhe bow Ejyp, le may teuthewgh yn-mes alena, le may hessys dha has ha'y dhowrhe gans dha droes, avel losowek.