Ysay 37:23 - An Bibel Kernewek 20234 (Kernewek Kemmyn)

²³ Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!

Ysay 37:23 ပူးပေါင်းရင်းမြစ်များ

2 Myghternedh 19:22

‘Piw a skornsys ha milliga? Piw yth trehevsys dha lev er y bynn ha drehevel dha dhewlagas yn woethus? Erbynn an Sans a Ysrael!

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

2 Kroniklys 32:17

Ev a skrifas lytherow ynwedh ow tespitya an Arloedh, Duw Ysrael, ow leverel, ‘Par dell na allas duwow kenedhlow erell delivra aga fobel a'm diwleuv, yndella ny dhelirv Duw Hezekia y bobel a'm leuv.’

Salmow 44:16

orth lev an den a skorn ha kabla, drefenn an eskar ha'n dialor.

Salmow 73:9

I re settyas aga ganow erbynn an nevow, ha'ga thaves a gerdh der an nor.

Salmow 74:10

Pygemmys prys, A Dhuw, y hwra an eskar ges? A dhispres an eskar dha hanow bys vykken?

Salmow 74:18

Porth kov a hemma, fatell wrug an eskar ges, A Arloedh, ha fatell dhispresyas pobel foll dha hanow.

Salmow 74:23

Na ankov lev dha eskerens, tros an re a sev er dha bynn a voghha pub eur oll.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Eksodus 5:2

Mes Faro a leveris, ‘Piw yw an Arloedh may koelliv orth y lev ha gasa Ysrael dhe vones? Ny aswonnav an Arloedh, ha dhe voy ny asav Ysrael dhe vones.’

Eksodus 9:17

Hwath yth omughelhydh erbynn ow fobel, ha ny's gesydh dhe vones.

Lavarow Koth 30:13

Yma re – ass yw ughel aga dewlagas, ass yw kroghen aga dewlagas drehevys ughel!

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 10:17

Golow Ysrael a vydh avel tan, ha'y Sans avel flamm; hag ev a lesk ha devorya y spedhas ha'y spern yn unn jydh.

Ysay 10:20

Y'n jydh na remenant Ysrael, ha'n re a skapyas dhiworth chi Yakob, ny besyons na fella kregi war an den a's gweskis, mes i a greg war an Arloedh, Sans Ysrael.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 17:7

Y'n jydh na den a vir orth y Wrier, ha'y dhewlagas a dreyl dhe Sans Ysrael.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 37:4

Martesen an Arloedh dha Dhuw a glew geryow an Rabshake a wrug y vester myghtern Assyria dannvon dhe wul ges a'n Duw bew, hag ev a geredh an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 43:14

Yndellma y lever an Arloedh, dha dhasprenyer, an Sans a Ysrael: A'gas govis y tannvonav dhe Babylon, ha distrui aga fowesigyon oll, y'n gorholyon mayth esa aga kriow lowen ow tasseni.

Ysay 43:3

Rag yth ov an Arloedh, dha Dhuw, an Sans a Ysrael, dha Selwyas. Ejyp a rov avel dha dhaspren, Ethiopia ha Seba yn keschanj ragos.

Ysay 5:15

Den yw plegys dhe'n dor, ha gour yw gwrys isel, ha dewlagas an re woethus a vydh isel.

Ysay 5:21

Go-i neb yw skentel yn aga dewlagas aga honan, ha konnyk yn aga golok aga honan.

Yeremia 48:42

Moab a vydh distruys ma na vydh pobel na fella, drefenn ev dhe omvoghhe erbynn an Arloedh.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 28:9

A leverydh hwath, ‘My yw duw’, yn golok an re a'th ladh? Mes ty yw den a-der duw y'n leuv an re a'th ladh.

Ezekiel 35:13

Hwi a vostyas er ow fynn gans agas ganow, ha kressya agas geryow er ow fynn; my a'n glewas.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Daniel 7:25

Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Daniel 8:11

Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’