Ysay 37:16 - An Bibel Kernewek 20234 (Kernewek Kemmyn)

¹⁶ ‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Ysay 37:16 ပူးပေါင်းရင်းမြစ်များ

Jenesis 1:1

Y'n dalleth Duw a formyas an nev ha'n nor.

2 Samuel 7:26

may fo dha hanow meurhes bys vykken y'n henlavar, “Arloedh an luyow yw Duw war Ysrael”; ha chi dha was Davydh a vydh fastys dheragos.

1 Myghternedh 18:32

Gans an meyn ev a dhrehevis alter yn hanow an Arloedh. Ena ev a wrug kanel a-dro dhedhi, bras lowr rag synsi dew vusur a has.

1 Myghternedh 8:6

Ena an oferysi a dhros argh kevambos an Arloedh dh'y thyller, yn sentri pervedhel an chi, y'n tyller an moyha sans, yn-dann eskelli an jerubim.

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

Ezra 1:3

Piwpynag a vo yn agas mysk yn-mes a oll y bobel a yll mos yn-bann dhe Yerusalem usi yn Yuda ha drehevel chi an Arloedh, Duw Ysrael – ev yw an Duw usi yn Yerusalem – ro bo y Dhuw ganso.

Salmow 146:6

neb a formyas nev ha nor, an mor ha pup-tra eus ynno; neb a with gwiryonedh bynitha;

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 86:10

Rag meur osta, ha ty a wra marthusyon; ty unnsel yw Duw.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Ysay 37:15

Ha Hezekia a bysis dhe'n Arloedh, ow leverel:

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ysay 40:22

Ev a esedh war gylgh an bys, ha'y drigoryon avel kulyoges-reden yth yns; ev a ystynn an nevow avel vayl, hag a's les avel tylda ynno may trigir.

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 45:12

My yw neb a wrug an norvys, ha my a greatyas mab-den warnodho; ow diwla y feu a lesas an nevow, ha my a worhemmynnis aga luyow oll.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ysay 8:13

Hwi a sansha Arloedh an luyow, ev yw agas euth, hag ev yw neb a'gas ownekha,

Yowann 1:3

Pup-tra a veu gwrys ganso, ha hebdho ny veu gwrys travyth a veu gwrys.

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

Kolossianys 1:16

rag ynno ev y feu pup-tra gwrys y'n nevow ha war an nor, hewel ha diwel, tronys, dominasyons, prynsipatys po potestatys; pup-tra a veu gwrys dredho ev ha ragdho ev.

Ebrowyon 4:16

Nesyn ytho gans fydhyans dhe'n tron a ras, may tegemmerryn tregeredh ha kavoes gras dhe weres yn termyn edhomm.

1 Samuel 4:4

Ytho an bobel a dhannvonas dhe Shilo, rag may trens alena argh kevambos Arloedh an luyow neb a drig ynter an cherubim. Hag yth esa dew vab Eli, Hofni ha Finehas, ena gans argh kevambos an Arloedh.