Ysay 36:6 - An Bibel Kernewek 20234 (Kernewek Kemmyn)

⁶ Otta, ty a fydh yn lorgh an gorsenn drogh ma, Ejyp, a enter ha gwana leuv an gour a boes warnedhi. Yndella yw Faro myghtern Ejyp, dhe vyns a drest ynno.

Ysay 36:6 ပူးပေါင်းရင်းမြစ်များ

2 Myghternedh 17:4

Mes myghtern Assyria a gavas trayturi yn Yoshua; rag ev re dhannvonsa kannasow dhe So myghtern Ejyp, ha ny via ow ri trubyt dhe vyghtern Assyria, dell wrussa blydhen wosa blydhen;

2 Myghternedh 18:21

Otta, lemmyn yth esos ow fydhya yn Ejyp, an lorgh a gorsenn derrys na a wan leuv pubonan a boes warnedhi. Yndella yth yw Faro myghtern Ejyp, dhe bubonan a fydh ynno.

Salmow 146:3

Na drestyewgh yn pennsevigyon, nag yn mab-den, ma nag eus selwyans ynno.

Lavarow Koth 25:19

Avel dans brew po troes klof yw fydhyans yn den dislel y'n termyn a dhregynn.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ezekiel 17:17

Ny vydh Faro gweres dhodho yn bresel, gans y lu bras hag ost meur, pan vydh gweythyow-esedhva krugys, ha pan vydh touryow-esedhva drehevys dhe dreghi dhe-ves lies enev.

Ezekiel 29:16

Ny wra chi Ysrael fydhya ynna arta; i a berth kov a'ga hammweyth pan dreylsons dhedha rag gweres. Ena i a woer my dhe vos an Arloedh Duw.