Ysay 36:18 - An Bibel Kernewek 20234 (Kernewek Kemmyn)

¹⁸ Na esewgh Hezekia dh'agas toella, ow leverel, An Arloedh a wra agan delivra. A wrug duw vytholl a'n kenedhlow delivra y dir rag leuv myghtern Assyria?

Ysay 36:18 ပူးပေါင်းရင်းမြစ်များ

Salmow 12:4

an re a lever, ‘Gans agan taves y tryghyn ni, agan gweusyow yw dhyn ni; piw yw arloedh warnan ni?’

Ysay 10:11

a ny wrav dhe Yerusalem ha'y idolys kepar dell wrug vy dhe Samaria ha'y imajys?’

Ysay 10:7

Mes nyns yw hemma y vodh, na ny breder y golonn yndella; mes yma yn y golonn dhe dhistrui ha dhe dreghi dhe-ves kenedhlow nag yns nebes.

Ysay 36:10

Ha lemmyn, a yskynnis vy erbynn an tir ma dh'y dhistrui heb an Arloedh? An Arloedh a leveris dhymm, Yskynn erbynn an tir ma, ha'y dhistrui.’

Ysay 36:15

Na esewgh ev dhe wul dhywgh fydhya y'n Arloedh, ow leverel, An Arloedh a wra agan delivra yn surredi; ny vydh an sita ma res yn leuv myghtern Assyria.”

Ysay 36:17

bys pan dhov ha'gas kemmeres yn-mes dhe dir haval dh'agas tir agas honan, tir a ys ha gwin nowydh, tir a vara ha gwinlannow.

Ysay 36:7

Ha mar leverydh dhymm, “Ni a fydh y'n Arloedh agan Duw”, a nyns yw ev neb a wrug Hezekia kemmeres yn-mes y dylleryow ughel ha'y alteryow, ow leverel dhe Yuda ha Yerusalem, “Hwi a wordh a-rag an alter ma”?

Ysay 37:10

‘Kewsewgh yndellma dhe Hezekia myghtern Yuda: Na wres dha Dhuw, a drestydh ynno dha doella, owth ambosa na vydh Yerusalem res yn leuv myghtern Assyria.

Ysay 37:11

Otta, ty re glewas an pyth re wrug myghternedh Assyria dhe oll an powyow, orth aga leun dhistrui. Ha ty, a vydhydh delivrys?

Ysay 37:4

Martesen an Arloedh dha Dhuw a glew geryow an Rabshake a wrug y vester myghtern Assyria dannvon dhe wul ges a'n Duw bew, hag ev a geredh an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Ezekiel 31:5

Rakhenna hy ughelder o brassa ages oll gwydh an mes; y skorrennow a ynkressyas, ha'y barrennow a devis hir dre reson an dowrow pals.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’