Ysay 35:7 - An Bibel Kernewek 20234 (Kernewek Kemmyn)

⁷ An tir poeth a vydh poll kors, ha'n tir sygh a vydh fentynyow dowr. Y'n tyller mayth esa owrgeun ow krowedha, an gwels a vydh kors ha papyrus.

Ysay 35:7 ပူးပေါင်းရင်းမြစ်များ

Salmow 107:35

Ev a dreyl an difeyth dhe boll a dhowr, ha tir sygh dhe fentynyow dowr.

Ysay 13:22

Keun a oul yn hy thouryow, hag owrgeun y'n palesyow fethus. Yma hy thermyn ow tos nes, ha ny vydh hy dydhyow delatys.

Ysay 19:6

An dowrgleudhyow a vydh flerys, ha kanolyow Ejyp a fyll ha sygha. Kors ha keun a wedher;

Ysay 29:17

A ny vydh a bur verr spys pan vydh Lebanon dreylys dhe dir feyth, ha'n tir feyth bos tybys avel koeswik?

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Ysay 34:13

Spern a dyv dres hy falesyow, askall ha spedhas yn hy hastylli. Hi a vydh peurva owrgeun, ha trigva rag strusyow.

Ysay 41:18

My a vynn igeri avonyow war an ugheldiryow moel, ha fentynyow yn mysk an nansow; my a wra an difeythtir poll dowr, ha'n dor sygh fentynyow dowr.

Ysay 43:20

An bestes gwyls a'm enor, an owrgeun ha'n strusyow; rag my a re dowr y'n difeythtir, avonyow y'n gwylvos, dhe ri diwes dhe'm pobel dhewisys,

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ezekiel 47:8

Yn-medh ev dhymm, ‘Yma'n dowr ma ow resek yn-mes troha ranndir an est, hag ow mos yn-nans dhe'n Araba; pan dheu bys y'n mor, bys yn mor an dowrow trenk, an dowr a vydh yaghhes.

Matthew 21:43

Rakhenna, my a lever dhywgh, gwlaskor Duw a vydh kemmerys a-dhiworthowgh ha res dhe genedhel a dheg hy threvas.

Luk 13:29

Hag i a dheu a'n howldrevel ha'n howlsedhes hag a'n kledh hag a'n dyghow hag esedha orth moes yn gwlaskor Duw.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 7:38

Neb a grys ynnov vy, dell lever an skryptor, “Yn-mes a'y dorr, resek a wra avonyow a dhowr bew.” ’

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.

Breusysi 6:38

Hag yndella yth o. Pan sevis yn-bann ternos a-varr, hag a waskas an knew, ev a wrynyas bollas a dhowr anodho.