Ysay 35:5 - An Bibel Kernewek 20234 (Kernewek Kemmyn)

⁵ Ena dewlagas an dhellyon a vydh igerys, ha diwskovarn an re vodhar a glew.

Ysay 35:5 ပူးပေါင်းရင်းမြစ်များ

Job 33:16

ena ev a iger aga diwskovarn ha'ga ownekhe gans gwarnyansow,

Salmow 146:8

an Arloedh a re golok dhe'n dhellyon. An Arloedh a dhrehav an re plegys dhe'n dor; an Arloedh a gar an re wiryon.

Eksodus 4:11

Ha'n Arloedh a leveris dhodho, ‘Piw a ordenas ganow dhe dhen po piw a ordenas an avlavar po an bodharek, po den a wel po den dall? A nyns yw my, an Arloedh?

Lavarow Koth 20:12

An skovarn ow klewes ha'n lagas ow kweles – an Arloedh re's gwrug, aga dew.

Ysay 29:18

Y'n jydh na an vodharogyon a glew geryow lyver, ha dhiworth duder ha tewlder dewlagas an dhellyon a wel.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 42:18

Klewewgh, hwi neb yw bodhar, ha mirewgh, hwi neb yw dall, rag may hwellowgh.

Ysay 43:8

Dro yn-rag an bobel yw dall, mes yma dewlagas dhedha, an re yw bodhar, mes yma diwskovarn dhedha.

Ysay 48:8

Naneyl ny glewsys, na ny wodhves, a'n termyn koth ny veu dha skovarn igerys; rag y hwodhyen ty dhe vos pur draytus, hag a'th enesigeth ty a veu henwys dislel.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 50:5

An Arloedh Duw re igoras ow skovarn, ha nyns en vy gorth, ny dreylis war-dhelergh.

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Matthew 12:22

Ena y feu dres dhodho sagh dyowl, dall hag avlavar, hag ev a'n sawyas par may hylli an avlavar kewsel ha gweles.

Matthew 21:14

Hag y teuth dhodho tus dhall hag evredhek y'n tempel hag ev a's yaghhas.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Yowann 11:37

Mes re anedha a leveris, ‘A ny allsa an den ma, neb a igoras dewlagas an den dall, gul neppyth ma na wrella an den ma merwel?’

Yowann 9:39

Ha Yesu a leveris, ‘Dhe vreus yth ov vy devedhys y'n bys ma, rag may hwello kemmys na yll gweles, ha may fo dall kemmys a yll gweles.’

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’