Ysay 35:3 - An Bibel Kernewek 20234 (Kernewek Kemmyn)

³ Nerthewgh an dhiwleuv ydhil ha krevhewgh an dhewlin wann.

Ysay 35:3 ပူးပေါင်းရင်းမြစ်များ

Ezra 1:6

Hag oll aga hentrevogyon a's gweresas gans lestri a arghans, gans owr, gans gwara, ha gans chatel, ha gans rohow a bris, war-barth gans oll an offrynnow bolonjedhek.

Job 16:5

Mes na, my a wrussa agas kennertha gans ow ganow, ha gwayans ow diwweus a wrussa siwajya agas duwon.

Eksodus 17:12

Mes diwla Moyses eth ha bos skwith; ytho i a gemmeras men ha'y worra yn-danno, hag ev a esedhas warnodho, hag Aron ha Hur a synsis y dhiwdhorn yn-bann, an eyl a'n unn tu ha'y gila dhe'n tu arall, mayth o fyrv y dhiwdhorn bys yn howlsedhes.

Daniel 10:18

Arta ev neb o haval dhe dhen a'm tochyas ha'm kennertha.

Sefania 3:16

Y'n jydh na y leverir dhe Yerusalem: Na borth own, a Sion; na vedhes dha dhiwleuv lows.

Zekaria 8:9

Yndellma y lever Arloedh an luyow: Bedhes krev agas diwleuv, hwi neb a glew y'n dydhyow ma an geryow na dre anow an brofoesi y'n termyn may feu grondys chi Arloedh an luyow, rag may fo drehevys an tempel.

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Luk 22:43

Hag el dhiworth nev a omdhiskwedhas dhodho, dh'y gonfortya.

Oberow 18:23

ha pan spensa termyn ena, ev eth yn-rag a le dhe le dre bow Galatia hag ena dre Frygia, ow krevhe an dhyskyblon oll.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,

Breusysi 7:11

ha ty a glew an pyth a leverons, hag a-wosa dha dhiwleuv a vydh krevhes rag omsettya erbynn an kamp.’ Ytho ev eth yn-nans gans y was Pura dhe amal aray an wer ervys esa y'n kamp.

1 Samuel 23:17

Yn-medh ev dhodho, ‘Na borth own; rag ny wra leuv ow thas Sowl dha gavoes; ha ty a vydh myghtern war Ysrael, ha my a vydh nessa dhis; ow thas Sowl ynwedh a woer y fydh yndella.’