Ysay 35:2 - An Bibel Kernewek 20234 (Kernewek Kemmyn)

² ev a vleujyow, ha lowenha gans heudh ha kana. Glori Lebanon a vydh res dhodho, splannder Karmel ha Sharon; i a wel glori an Arloedh, splannder agan Duw.

Ysay 35:2 ပူးပေါင်းရင်းမြစ်များ

1 Kroniklys 16:33

Ena gwydh an koes a gan gans lowena a-rag an Arloedh, rag ev a dheu dhe vreusi an norvys.

1 Kroniklys 27:29

War an greow a beuri yn Sharon yth esa Shitray an Sharonyas; ha war an greow y'n nansow yth esa Shafat, mab Adlay.

1 Kroniklys 5:16

yth esens trigys yn Gilead, hag yn Bashan, hag yn hy threvow hag yn oll peurvaow Sharon bys yn aga finwethow.

Salmow 50:2

Yn-mes a Sion, perfydh hy thekter, Duw re splannas.

Salmow 72:16

Re bo kals ys y'n tir ow tegrena war benn an menydhyow; re bo y frut avel Lebanon, ha re sewenno tus an sita avel gwels an dor.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 89:12

An kledh ha'n dyghow, ty re's formyas; Tabor ha Hermon a gri yn lowen y'th hanow.

Salmow 97:6

An nevow a dheriv y ewnder, hag oll an poblow re welas y wolewder.

Eksodus 16:7

hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

An Gan a Ganow 2:1

Rosenn a Sharon ov vy, lilienn a'n nansow.

An Gan a Ganow 7:5

Dha benn warnas yw avel Karmel, ha'th vlew lows yw avel purpur; hag yma myghtern maglennys y'n kudynnow.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 27:6

Y'n termyn a dheu, gwreydhya a wra Yakob, Ysrael a egin ha bleujyowa ha lenwel enep an nor a frut.

Ysay 32:15

erna vo an Spyrys dinewys warnedha a-wartha. Ena an gwylvos a vydh tir feyth, ha'n tir feyth a vydh synsys dhe vos koeswik.

Ysay 33:9

An tir a gyn ha gwedhra; Lebanon a gemmer meth ha pedri; Sharon yw avel gwylvos, ha Bashan ha Karmel a shak aga del dhe-ves.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 41:19

My a worr y'n difeythtir an kederwydh, an akasia, an myrtwydh ha'n olewbrenn. My a worr y'n difeythtir meryw, an platan ha'n kypres war-barth,

Ysay 49:13

Kenewgh yn lowen, A nevow, ha kri gans joy, A norvys; kenewgh yn lowen, A venydhyow! Rag an Arloedh re gonfortyas y bobel, ha kemmeres truedh a'y voghosogyon.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ysay 60:13

Glori Lebanon a dheu dhis, an meryw, an elow, ha'n kypres war-barth, dhe dekhe tyller ow sentri; ha my a lorifi tyller ow threys.

Ysay 60:19

Ny vydh an howl golow ragos byth moy dydhweyth, na ny vydh golow dhis splannder an loer; mes an Arloedh a vydh dhis golow bys vykken, ha dha Dhuw a vydh dha glori.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 66:10

Lowenhewgh gans Yerusalem ha bedhewgh heudh rygdhi, oll hwi neb a's kar; lowenhewgh yn feur gensi, oll hwi neb a gyn warnedhi;

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Yowann 12:41

Ysay a leveris hemma rag ev dhe weles y wolewder, hag ev a gewsis anodho ev.

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Oberow 9:35

Ha pubonan trigys yn Lydda ha Sharon a'n gwelas, ha treylya dhe'n Arloedh.

Romanyon 10:15

Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

Romanyon 15:10

hag arta ev a lever, ‘Lowenhewgh, A genedhlow oll, gans y bobel!’

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Yoshua 19:26

Alammelek, Amad, ha Mishal; hi a dochyas Karmel troha'n howlsedhes, ha Shihor-libnath.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.