Ysay 34:6 - An Bibel Kernewek 20234 (Kernewek Kemmyn)

⁶ Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 34:6 ပူးပေါင်းရင်းမြစ်များ

2 Samuel 1:22

Dhiworth goes an re ledhys, dhiworth blonek an gasoryon, ny wrug gwarak Yonathan treylya dhe-ves, na ny dhehwelis kledha Sowl gwag.

1 Kroniklys 1:44

Pan verwis Bela, Yobab mab Zeragh dhiworth Bosra a reynyas yn y le.

Salmow 137:7

Porth kov, A Arloedh, a vebyon Edom yn dydh Yerusalem, fatell lavarsons, ‘Diswrewgh hi, diswrewgh hi, bys dh'y selyow.’

Ysay 29:2

Mes stroetha Ariel my a wra, hag y fydh oelva ha kynvann, ha hi a vydh dhymmo vy avel oeles alter.

Ysay 34:5

Rag ow kledha re evas y walgh yn nev; otta, ev a dhiyskynn war Edom, ha war bobel a wrugavy aga sakra rag breus.

Ysay 63:1

‘Piw yw hemma ow tos dhiworth Edom, yn dillas rudhgogh dhiworth Bosra? Piw yw hemma gwiskys yn splannder, ow kerdhes yn-rag yn y alloes bras?’ ‘My y'th yw, ow kewsel yn ewnder, galloesek dhe sawya.’

Ysay 63:3

‘My re drettyas an winwask ow honan; dhiworth an kenedhlow nyns esa denvyth genev. My a's trettyas y'm sorr ha'ga stankya y'm konnar; aga sugen a lagennas war ow gwiskas, ha namma oll ow dillas.

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Yeremia 49:13

Rag my re dos re'm honan, yn-medh an Arloedh, y fydh Bosra euth ha skorn ha difeyth ha molleth; ha'y sitys oll a vydh magoryow bys vykken.

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yeremia 51:40

My a's dre dhe'n leur avel eyn dhe'n ladhva, avel hordhes ha boghes.

Ezekiel 21:10

Lymmys yw rag an ladhva, ha rutys splann rag may fo avel lughes. A lowenhyn yn ternwelenn ow mab? An kledha a dhispres pup-tra gwrys a brenn.

Ezekiel 35:15

Kepar dell lowenhasys erbynn eretons chi Ysrael, drefenn y vos ynyalder, yndella my a wra dha dhyghtya; ty a vydh ynyalder, menydh Seir, hag Edom kowal. Ena i a woer my dhe vos an Arloedh.

Ezekiel 35:8

My a lenow y venydhyow a'y re ledhys; an re ledhys gans an kledha a goedh y'th vrennow ha'th nansow, hag yn oll dha woverow.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Sefania 1:7

Taw yn lok an Arloedh Duw: rag ogas yw dydh an Arloedh. Rag an Arloedh re bareusis sakrifis, ev re sanshas y westoryon.

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

Dewteronomi 32:41

pan lymmav lughes ow kledha, ha'm leuv a sett dalghenn ynno yn breus, my a dal dial war ow eskerens, hag attyli an re a'm kas.