Ysay 34:4 - An Bibel Kernewek 20234 (Kernewek Kemmyn)

⁴ Oll lu nev a wra pedri, ha'n ebron a vydh rolys avel rol-skrifa; oll aga lu a wedher dell wedher delenn dhiworth gwinbrenn, dell wedher figys dhiworth figbrenn.

Ysay 34:4 ပူးပေါင်းရင်းမြစ်များ

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

Yoel 3:15

Tewlhes yw an howl ha'n loer, ha'n ster a skon a ri aga golow.

Diskwedhyans 8:12

Ha'n peswora el a hwythas hag y feu an tressa rann a'n howl gweskys, ha'n tressa rann a'n loer ha'n tressa rann a'n ster, may feu an tressa rann anedha tewlhes ha ny omdhiskwedhas an jydh rag an tressa rann anodho, ha'n nos kekeffrys.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 13:13

Rakhenna my a wra dhe'n nevow krena, ha'n norvys a vydh shakys dhiworth y le, yn konnar Arloedh an luyow, yn dydh y sorr fers.

Ysay 14:12

Fatell osta koedhys dhiworth nev, A Vorlowenn, mab an bora! Ty re beu treghys dhe'n dor, neb a fethas kenedhlow.

Ebrowyon 12:27

An lavar ma, ‘Unnweyth moy’, a dhiskwa treuskorrans an pythow yw kryghyllys, henn yw an pythow re beu gwrys, may pessyo an pythow na yll bos kryghyllys.

Diskwedhyans 6:12

Ha my a welas pan igoras an hweghves sel, ha dorgrys bras a hwarva ha'n howl a dhuhas kepar ha saghlenn blew ha'n loer leun eth kepar ha goes.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Yoel 2:10

An dor a wra krysya a-dheragdha; an nevow a gren: an howl ha'n loer a dewlha, an ster a skon a derlentri.