Ysay 34:17 - An Bibel Kernewek 20234 (Kernewek Kemmyn)

¹⁷ Ev a dewl prenn ragdha, ha'y leuv a's rann gans kordenn-vusura. I a's erit bys vykken, ha triga ynni a henedh dhe henedh.

Ysay 34:17 ပူးပေါင်းရင်းမြစ်များ

Salmow 78:55

Hag ev a bellhas an kenedhlow a-dheragdha, hag a's rannas dhedha yn ertach, ha gul dhe loethow Ysrael triga yn aga thyldow i.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 17:14

Gorthugherweyth, awotta euth tromm! Kyns myttin gyllys yns. Hemm yw tenkys an re a'gan raven, ha kevrenn an re a'gan pyll.

Ysay 34:10

Ny vydh difeudhys nos na dydh; hy mog a yskynn bys vykken. Hi a vydh magor a henedh dhe henedh; nagonan ny dremen dresti trank heb worfenn.

Ysay 34:11

An oula kornek ha'n klabytter a's erit, ha'n ibis ha'n vran-vras a drig ynni. Ev a ystynn warnedhi an gordenn a dheray ha'n plemmik a dhistruyans.

Yeremia 13:25

Homm yw dha gevrenn, dha rann a vusuris dhis, yn-medh an Arloedh; drefenn ty dhe'm ankevi, ha fydhya yn gowegneth.

Oberow 13:19

ha pan dhistrusa seyth kenedhel yn pow Kanan ev a ros dhedha aga fow avel eretons

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Dewteronomi 32:9

Rag rann an Arloedh yw y bobel; Yakob yw kevrenn y eretons.

Yoshua 18:8

Ytho an wer a sevis ha mos; ha Yoshua a worhemmynnis dhedha arhwithra an tir, ow leverel, ‘Kewgh ha kerdhewgh der an tir ha'y arhwithra, ha dehwelewgh dhymm; ha my a dewl prennyer ragowgh omma a-rag an Arloedh yn Shilo.’