Ysay 34:1 - An Bibel Kernewek 20234 (Kernewek Kemmyn)

¹ Dewgh nes, hwi genedhlow, dhe glewes, ha hwi boblow, goslowewgh; klewes an nor ha pup-tra eus ynno, an norvys hag oll y askorr.

Ysay 34:1 ပူးပေါင်းရင်းမြစ်များ

Jenesis 6:13

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

Salmow 24:1

Dhe'n Arloedh yma an nor ha myns eus ynno, an norvys, ha'n re usi trigys ynno.

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Salmow 96:10

Leverewgh yn mysk an kenedhlow, ‘Yma an Arloedh ow reynya! An nor devri yw fastys, ma na yllir y dhisevel; ev a vreus an poblow gans ewnder.’

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 18:3

Oll trigoryon an norvys hag annedhysi an bys, pan vydh baner drehevys war an menydhyow, mirewgh! ha pan vydh hirgorn hwythys, klewewgh!

Ysay 33:13

Klewewgh, an re yw a-bell, pandr'a wrug vy; aswonnewgh ow galloes, an re yw ogas.

Ysay 41:1

Bedhewgh tawel a-ragov, hwi ynysow; nowydhhes an poblow aga nerth, nesens i, ena kewsens i; nesyn ni war-barth rag breus.

Ysay 43:9

Oll an kenedhlow re dheuth war-barth ha'n poblow res omguntellas. Piw yn aga mysk a dherivas hemma, ha darleverel an taklow kyns? Degens aga dustunioryon rag aga justifia, ha klewens ha leverens, ‘Gwir yw.’

Ysay 48:16

Dewgh nes dhymm, ha klewewgh hemma: A-dhia'n dhallethva ny gewsis yn-dann gel, a-dhia'n termyn may teu an taklow ma ha bos, awottavy! Ha lemmyn an Arloedh Duw re'm dannvonas, gans y spyrys.

Ysay 49:1

Goslowewgh orthiv, ynysow, klewewgh, A boblow, a bellder: an Arloedh a'm gelwis dhiworth an dorr, pan esen yn brys ow mamm ev a'm henwis.

Ysay 63:1

‘Piw yw hemma ow tos dhiworth Edom, yn dillas rudhgogh dhiworth Bosra? Piw yw hemma gwiskys yn splannder, ow kerdhes yn-rag yn y alloes bras?’ ‘My y'th yw, ow kewsel yn ewnder, galloesek dhe sawya.’

Yeremia 22:29

A dor, dor, dor, klew ger an Arloedh.

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Ezekiel 38:17

Yndellma y lever an Arloedh Duw: A nyns yw ty neb a gewsis vy a-dro dhodho y'n dydhyow koth, dre leuv ow gwesyon profoesi Ysrael, a brofoessons lies blydhen y'n dydhyow na, my dhe'th tri er aga fynn?

Obadia 1:1

Gwelesigeth Obadia. Yndellma y lever an Arloedh Duw a-dro dhe Edom: Ni re glewas nowodhow dhiworth an Arloedh, ha kannas re beu dannvenys yn mysk an kenedhlow: ‘Sevewgh hwi, ha sevyn ni er hy fynn rag an gas.’

1 Korinthianys 10:26

rag ‘dhe'n Arloedh yw an nor, ha pup-tra eus ynno.’

Dewteronomi 32:1

Goslow nev, ha my a gews; klew, norvys, geryow ow ganow.

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Breusysi 5:3

‘Klewewgh, A vyghternedh, goslowewgh, A bennsevigyon; dhe'n Arloedh y kanav, my a gan gormola dhe'n Arloedh, dhe Dhuw Ysrael.

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.