Ysay 33:6 - An Bibel Kernewek 20234 (Kernewek Kemmyn)

⁶ Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Ysay 33:6 ပူးပေါင်းရင်းမြစ်များ

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Lavarow Koth 19:23

Own an Arloedh a led dhe vewnans; neb a'n jeves ev a bowes attes, ny vydh ev ow perthi dregynn.

1 Timothi 6:6

Mes gwayn meur yw sansoleth war-barth gans bos kontentys.

Ekklesiastes 7:19

Furneth a re nerth dhe dhen fur, moy es deg rewler usi yn sita.

Lavarow Koth 14:27

Own an Arloedh yw fenten a vewnans, rag may haller avoydya maglennow ankow.

Salmow 28:8

An Arloedh yw nerth y bobel, hag ev yw skovva selwyans y Untys.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Ekklesiastes 7:12

Rag furneth yw skovva, kepar ha dell yw mona skovva; mes gwayn godhvos a furneth yw hemma: ev a dhasvew an re a'n pew.

Lavarow Koth 28:2

Pan wra gwlaskor rebellya yma dhedhi lies rewler; mes gans rewler poellek, adhyskys, faster an wlaskor a bes.

Lavarow Koth 15:16

Gwell yw boghes gans own an Arloedh ages tresor meur hag ankres ganso.

Salmow 140:7

A Arloedh Duw, nerth ow selwyans, ty re beu skoes dhe'm penn yn dydh an gas.

Salmow 45:4

Hag y'th veuredh marghok yn sewena drefenn gwirder ha klorder hag ewnder; ha'th leuv dhyghow a dhysk dhis taklow euthyk.

2 Korinthianys 6:10

keudhys, hwath prest ow lowenhe; boghosek, hwath ow kul dhe lies bos rych; heb travyth, hwath ni a bew pup-tra.

Lavarow Koth 29:4

Dre wirvreus myghtern a re faster dhe'n vro, mes neb a wra gorholedhow poes a's distru.

2 Myghternedh 18:7

Yth esa an Arloedh ganso; ev a sewenis yn pup-tra a omgemmeras. Ev a rebellyas erbynn myghtern Assyria, ha ny'n servyas.

Lavarow Koth 14:26

Yn own an Arloedh y kevir fydhyans krev, ha'y fleghes a's tevydh skovva.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 33:20

Mir war Sion, sita agan solempnitys apoyntys; dha dhewlagas a wel Yerusalem, trigva gosel, tylda anwayadow; ny vydh y ebilyer nevra tennys yn-mes, na ny vydh y gerdyn terrys.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Job 4:6

A nyns yw dha own a Dhuw dha fydhyans, ha glander dha fordhow dha wovenek?

Lavarow Koth 2:5

ena ty a gonvedh own an Arloedh ha kavoes aswonnvos a Dhuw.

Lavarow Koth 14:24

Kurun an re fur yw aga rychys, mes follneth yw garlont an fellyon.

Ysay 32:17

Ober gwiryonedh a vydh kres, ha siwyans ewnder a vydh kosoleth ha sawder bys vykken.

Ysay 32:18

Ow fobel a drig yn peurva hebask, yn annedhow saw, hag yn powesvaow kosel.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.