Ysay 33:24 - An Bibel Kernewek 20234 (Kernewek Kemmyn)

²⁴ Ny lever annedhyas, ‘My yw klav’; kammweyth an bobel trigys ynni a vydh gevys.

Ysay 33:24 ပူးပေါင်းရင်းမြစ်များ

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Diskwedhyans 21:4

Hag ev a sygh pub dagrenn dhiworth aga dewlagas, ha ny vydh ankow namoy, na ny vydh keudh, nag oela, nag anken namoy, rag bos an kynsa taklow tremenys.’

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Jamys 5:14

Eus nebonan klav yn agas mysk? Gelwes ev henavogyon an eglos ha gwrens i pysi warnodho ha'y untya gans oyl yn hanow an Arloedh.

Ysay 58:8

Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Dewteronomi 7:15

An Arloedh a dreyl dhiworthis pub dises; ha ny sett warnas oll an klevesow vil a Ejyp a wodhves, mes ev a's gorr war oll an re a'th kas.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Diskwedhyans 22:2

Yn kres hy stret, hag orth pub tu a'n avon, yma gwydhenn bewnans, ow toen dewdhek trevas a frut, ow ri hy frut pub mis, hag yma del an wydhenn rag yaghheans an kenedhlow.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

2 Kroniklys 30:20

An Arloedh a glewas Hezekia hag ev a yaghhas an bobel.

Dewteronomi 28:27

An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 40:2

Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.