Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.
Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.
Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.
Ena tron a vydh fastys yn tregeredh, ha warnedhi yth esedh yn gwirder yn tylda Davydh, nebonan a vreus hag a hwila gwirvreus, hag a fisten dhe wul ewnder.
mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.
Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.
Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’
Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.
Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.
Mes yndellma y lever an Arloedh: Kethyon a vydh kemmerys dhiworth breselyas hogen, ha preydh turant a vydh sawys, rag my a striv gans an re a striv orthis, ha my a saw dha fleghes.
My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.
Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.
Ha pan welsowgh bos Nahash myghtern an Ammonysi ow tos er agas pynn, hwi a leveris dhymm, “Nansi, mes myghtern a reyn warnan”, kynth o an Arloedh agas Duw agas myghtern.