Ysay 33:20 - An Bibel Kernewek 20234 (Kernewek Kemmyn)

²⁰ Mir war Sion, sita agan solempnitys apoyntys; dha dhewlagas a wel Yerusalem, trigva gosel, tylda anwayadow; ny vydh y ebilyer nevra tennys yn-mes, na ny vydh y gerdyn terrys.

Ysay 33:20 ပူးပေါင်းရင်းမြစ်များ

Salmow 128:5

An Arloedh a'th vennik yn-mes a Sion, ha ty a wel sewenyans Yerusalem dres oll dydhyow dha vewnans.

Salmow 46:5

Yma Duw a-bervedh ynni, ytho ny wra hi krena; Duw a weres dhedhi orth tardh an jydh.

Salmow 46:6

An kenedhlow a dervas, an gwlaskordhow a grenas; ev a ros y lev, an nor a deudhis.

Ysay 32:18

Ow fobel a drig yn peurva hebask, yn annedhow saw, hag yn powesvaow kosel.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Ysay 37:33

‘Rakhenna yndellma y lever an Arloedh a-dro dhe vyghtern Assyria: Ny dheu a-ji dhe'n sita ma na tenna seth ena. Ny dheu er hy fynn gans skoes na krugya gweyth-esedhva er hy fynn.

Ysay 4:5

Ena an Arloedh a wra kreatya war an tyller kowal a venydh Sion, ha war hy huntellvaow, kommol ha mog dydhweyth ha golow tan ow flammya nosweyth; rag dres oll an glori y fydh nenlenn.

Ysay 54:2

Ledanha tyller dha dylda, ha bedhes kroglennow dha annedhow ystynnys; na spar; hirha dha gerdyn, ha krevha dha ebilyer.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Ezekiel 48:8

Ryb or Yuda, dhiworth tenewen an est bys tenewen an west, y fydh an offrynn a offrynnowgh, pymp warn ugens a vilyow y les, ha'y hirder kepar ha'n rannow erell, dhiworth tenewen an est bys tenewen an west; ha'n sentri a vydh y'n kres anodho.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 16:16

Teyrgweyth y'n vlydhen pub gorreydh ahanowgh a vydh gwelys a-rag an Arloedh dha Dhuw y'n tyller a wra y dhewis: yn goel an bara heb goell, yn dy'goel an seythunyow, hag yn goel an skovvaow; ha ny vydh gwelys a-rag an Arloedh gwag y leuv.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.