Ysay 33:2 - An Bibel Kernewek 20234 (Kernewek Kemmyn)

² A Arloedh, bydh grassyes orthyn; ni re'th wortas. Bydh agan bregh pub myttin, ha'gan selwyans yn termyn ankres.

Ysay 33:2 ပူးပေါင်းရင်းမြစ်များ

Salmow 123:2

Otta, kepar dell vir dewlagas servysi orth leuv aga mestrysi, ha dewlagas maghteth orth leuv hy mestres, yn kettella agan dewlagas ni a vir orth an Arloedh, erna gemmerro truedh ahanan.

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Salmow 25:3

Sur na berthes meth an re a drest ynnos jy; perthes meth an re a wra falsuri heb ken.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 33:22

Bedhes dha dregeredh, A Arloedh, warnan, kepar dell worryn agan trest ynnos.

Salmow 37:39

Yma selwyans dhe'n re wiryon dhiworth an Arloedh, aga skovva yn termyn anken.

Salmow 46:1

Duw yw agan skovva ha'gan nerth, gweres yn anken na fyll nevra.

Salmow 46:5

Yma Duw a-bervedh ynni, ytho ny wra hi krena; Duw a weres dhedhi orth tardh an jydh.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 60:11

Ro dhymm gweres erbynn an eskar, rag euver yw gweres den.

Salmow 62:1

Ow enev yn tevri a worta an Arloedh; dhiworto y teu ow selwyans.

Salmow 62:5

Ow enev, gorta Duw y honan, rag ynno ev yma ow govenek.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Salmow 90:15

Lowenha ni herwydh an dydhyow may grevsys dhyn, ha'n blydhynyow may hwelsyn drog.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Eksodus 14:27

Ytho Moyses a ystynnas y dhorn dres an mor, ha'n mor a dhehwelis dh'y worlanow usadow pan dheuth myttin. An Ejyptianys a fias dhiworto, ha'n Arloedh a dhomhwelas an Ejyptianys yn kres an mor.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 26:16

A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 37:3

Yn-medhons dhodho, ‘Hezekia a lever hemma: An jydh ma yw dydh a alar ha keredh ha bismer; rag mebyon re dheuth bys min konna an brys, mes nyns eus nerth dhe dhineythi.

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 51:5

Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 59:16

Ev a welas na veu denvyth, hag ev a'n jevo marth na veu denvyth dhe vos mayn; rakhenna y vregh a wrug selwyans ragdho, ha'y ewnder a'n sostenas.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Yeremia 14:8

A wovenek Ysrael, y selwador yn termyn ahwer, prag y tal dhis bos avel alyon y'n tir, hag avel tremenyas a dreyl a-denewen dhe spena an nos?

Kynvannow 3:23

Nowydhhes vydhons pub myttin, bras yw dha lelder.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.