Ysay 33:16 - An Bibel Kernewek 20234 (Kernewek Kemmyn)

¹⁶ ev a vydh trigys y'n ughelderyow, dinasow an karregi a vydh y skovva; y vara a vydh res dhodho, ha ny fyll dowr dhodho.

Ysay 33:16 ပူးပေါင်းရင်းမြစ်များ

1 Myghternedh 19:6

Ev a viras, hag ena orth y benn yth esa tesenn pebys war veyn poeth, ha seth a dhowr. Ev a evas ha dybri, ha growedha arta.

Salmow 107:41

mes ev a dhrehav an boghosek mes a anken, hag a wra teyluyow ragdho avel flokk.

Salmow 111:5

Ev re ros sosten dhe'n re a'n own; ev a berth kov a'y gevambos bynitha.

Salmow 15:1

Arloedh, piw a yll godriga y'th tylda? Piw a yll triga y'th venydh sans?

Salmow 18:33

Ev a wra ow threys kepar ha treys ewigow, ha'm settya fyrv war dylleryow ughel.

Salmow 33:18

Otta, yma lagas an Arloedh war an re a berth own anodho, war an re a drest yn y dregeredh;

Salmow 34:10

An lewyon yowynk yw yn esow hag i a berth nown, mes ny fyll travyth dha dhe'n re a hwila an Arloedh.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Salmow 62:7

Yn Duw yma ow selwyans ha'm gordhyans; ev yw karrek ow nerth, hag yn Duw yma ow skovva.

Salmow 90:1

A Arloedh, ty re beu agan skovva a unn henedh dhe'n nessa.

Salmow 91:14

Drefenn ev dhe worra y gerensa warnav, rakhenna my a'n delirv; my a'n drehav, rag ev dhe aswonn ow hanow.

Lavarow Koth 1:33

mes neb a woslow orthiv a wra triga yn sawder, hag a vydh attes, heb euth a dhroktra.’

Lavarow Koth 10:9

Neb a gerdh yn tivlam a gerdh yn sawder, mes neb a siw hynsyow kamm a vydh diskudhys.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 30:20

Kyn rollo an Arloedh dhywgh bara fienasow ha dowr galar, ny vydh dha dhyskadoryon kudhys namoy, mes dha dhewlagas a wel dha dhyskadoryon.

Ysay 32:18

Ow fobel a drig yn peurva hebask, yn annedhow saw, hag yn powesvaow kosel.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 58:14

ena ty a vydh lowen y'n Arloedh ha my a'th wra dhe varghogeth war dylleryow ughel an tir ha'th vaga gans eretons Yakob dha das, rag ganow an Arloedh re gewsis.

Yeremia 37:21

Ena Sedekia an myghtern a worhemmynnis may fe Yeremia gorrys yn klos an prison, ha torth-vara dhe vos res dhodho pub dydh a-dhiworth stret an beboryon, bys pan ve gyllys oll bara an sita. Ytho Yeremia a wortas yn klos an prison.

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Habakkuk 3:19

An Arloedh Duw yw ow nerth, hag ev a wra ow threys kepar ha treys ewigow, hag ev a wra dhymm kerdhes war ow thylleryow ughel. Dhe'n penn-kenysi war dhaffar kerdyn.

Matthew 6:11

Ro dhyn ni hedhyw agan bara pub-dydhyek;

Dewteronomi 33:29

Gwynn dha vys, Ysrael! Piw yw avelos? pobel selwys gans an Arloedh, an skoes a'th weres, kledha dha veuredh. Dha eskerens a dheu dhis ow fekla, ha ty a drett war aga heynow.