Ysay 33:15 - An Bibel Kernewek 20234 (Kernewek Kemmyn)

¹⁵ An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Ysay 33:15 ပူးပေါင်းရင်းမြစ်များ

Salmow 119:37

Treyl ow dewlagas dhe-ves, ma na wellons euveredh; bewha vy y'th fordh.

1 Yowann 3:7

Fleghigow, na esewgh denvyth dh'agas toella; neb a wra ewnder yw ewn, par dell yw ev ewn.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Luk 19:8

Mes Zakkeus a sevis ha leverel dhe'n Arloedh, ‘Otta, hanter ow fythow, Arloedh, my a re dhe'n voghosogyon, ha mar kwrugavy kemmeres neppyth a nebonan dre frows, my a'n daskorr pedergweyth.’

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Malaki 2:6

Lagha a wirder esa yn y anow, ha kammhynseth ny veu kevys war y dhiwweus. Ev a gerdhas genev yn kres hag ewnhynseth, ha treylya lies dhiworth pegh.

Salmow 106:3

Gwynnvys an re a syns gwirvreus, hag a wra ewnder pup-prys.

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

Matthew 26:15

ha leverel, ‘Pandr'a vynnowgh y ri dhymm mara'n daskorrav dhywgh?’ Hag y hwrussons pe dhodho deg bath warn ugens a arghans,

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

Niverow 16:15

Ha Moyses o pur serrys, ha leverel dhe'n Arloedh, ‘Na wra vri a'ga offrynn. Ny gemmeris nag unn asen a-dhiworta, na ny bystigis nagonan anedha.’

Ysay 58:8

Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Lavarow Koth 10:9

Neb a gerdh yn tivlam a gerdh yn sawder, mes neb a siw hynsyow kamm a vydh diskudhys.

Lavarow Koth 15:27

Neb yw kraf war-lergh gwayn anewn a wra trobel rag y deylu, mes neb a gas falswobrow a vew.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Ezekiel 22:13

Otta, my re weskis ow diwla war-barth erbynn dha wayn anewn re wrussys hag erbynn an goes skoellys genes y'n kres ahanas.

Job 31:7

mar treylis ow hamm a-denewen dhiworth an fordh, mars eth ow holonn war-lergh ow dewlagas, po mar lenas namm dhe'm diwleuv;

Salmow 15:5

neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.

Lavarow Koth 1:10

Ow mab, mar kwra peghadoryon dha dhynya, na wra assentya.

Lavarow Koth 1:15

ow mab, na gerdh y'n fordh gansa, tenn dha droes dhiworth aga hynsyow;