Ysay 32:6 - An Bibel Kernewek 20234 (Kernewek Kemmyn)

⁶ Rag an foll a gews follneth, ha' y golonn a wra droktra: ev a wra taklow didhuw, ow kewsel falsuri a-dro dhe'n Arloedh, ow kul gwag enev an den nownek hag ow skonya ri dowr dhe'n den mayth eus syghes dhodho.

Ysay 32:6 ပူးပေါင်းရင်းမြစ်များ

Salmow 141:4

Na bleg ow holonn dhe dravyth dhrog, dhe wul drogoberow gans gwer a wra sherewneth; na as vy dhe dastya aga boesow sawrek.

Lavarow Koth 19:3

Follneth den a wra y fordh kamm, ha'y golonn a serr orth an Arloedh.

Lavarow Koth 24:7

Furneth yw re ughel rag den foll, hag ny iger ev y anow y'n yet.

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 26:10

Mars yw favour diskwedhys dhe debelwas, ny dhysk ewnder; yn tir a ewnder ev a wra anewnder, heb gweles meuredh an Arloedh.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ysay 31:2

Mes ev yw fur hag a dhre drog; ny dhaskelow y eryow, mes ev a sev erbynn chi an dhrogoberoryon, hag erbynn gweresoryon an re a wra sherewynsi.

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 13:23

A yll an Ethiopyas chanjya y groghen, po an lewpard y vryghi? Ytho a yllowgh hwi ynwedh gul da, yw usys dhe wul drog?

Ezekiel 34:18

A nyns yw lowr ragowgh, hwi dhe dhybri an beurva dha, mes hwi a drett yn-dann agas treys remenant agas peurva ynwedh? ha hwi dhe eva dowr kler, ha gul an remenant leysek gans agas treys?

Daniel 12:10

Lies a vydh purhes, ha kannyes, ha prevys, mes an debeles a bes ow kul drog. Nagonan a'n debeles ny gonvedh; mes an re fur a gonvedh.

Amos 8:6

dhe brena boghosogyon a arghans ha'n edhommek a dhiw eskis, ha gwertha us an gwaneth.

Matthew 15:19

Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

1 Samuel 24:13

Kepar dell lever henlavar an dus koth, “Dhiworth tebelwesyon a dheuth yn-rag sherewynsi”; mes ny vydh ow leuv er dha bynn.