Ysay 32:19 - An Bibel Kernewek 20234 (Kernewek Kemmyn)

¹⁹ Kyn fo an koeswik terrys yn-nans gans keser, ha'n sita levenhes orth an dor,

Ysay 32:19 ပူးပေါင်းရင်းမြစ်များ

Ysay 10:18

Splannder y goes ha'y dir feyth ev a dhistru, enev ha korf war-barth, kepar dell wra den klav gwastya dhe-ves.

Ysay 10:19

Remenant gwydh y goes a vydh mar skant bys may hallo flogh aga nivera.

Ysay 10:33

Otta, an Arloedh, Arloedh an luyow, a skether an skorrennow dre nerth euthyk; an gwydh meur aga ughelder a vydh treghys yn-nans, ha'n re hir a vydh uvelhes.

Ysay 24:10

An sita a dheray yw terrys dhe'n dor; pub chi yw deges, ma na yll denvyth entra.

Ysay 24:12

Euth yw gesys y'n sita, an yetys yw brewys yn magoryow.

Ysay 25:2

Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 26:5

Ev a uvelha an re usi trigys y'n ughelder, an sita ughel; ev a's iselha bys y'n dor ha'y thewlel bys y'n doust.

Ysay 27:10

Rag an sita gerys a vydh hy honan oll, trigva ynyal ha forsakys; ena an leughi a beur, hag ena i a wrowedh ha devorya pub barrenn.

Ysay 28:17

My a wra dhe wirvreus bos kordenn-vusura, ha dhe ewnder bos plemmik; keser a skub dhe-ves an skovva a wowyow, ha dowrow a liv dres an gudhva.

Ysay 28:2

Otta, yma dhe'n Arloedh onan yw krev ha galloesek, kepar ha tewedh keser, annawel terroesus, kepar ha tewedh dowrow meur ow fenna. Gans y leuv ev a's deghes yn-nans dhe'n nor.

Ysay 29:4

Ty a vydh dres isel, ha kewsel dhiworth an dor, ha dha lavar a vydh ankler y'n mes a'n doust. Dha lev a vydh avel nygromons yn-mes a'n dor, ha dha lavar a hwyster yn-mes a'n doust.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 37:24

Dre leuv dha servysi ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon. My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

Nahum 1:1

Dargan Nineve. Lyver gwelesigeth Nahum an Elkoshyas.

Nahum 1:8

Mes gans liv ow fenna ev a gowldhistru hy thyller, hag ev a helgh y envi bys yn tewlder.

Zekaria 11:2

Oul, a verywenn, rag an gederwydhenn re goedhas; gwydh bryntin re beu gwastys! Oulyewgh, derwennow Bashan; an koes tew re beu treghys dhe'n dor!

Matthew 7:25

ha'n glaw a goedhas ha'n livow a dheuth ha'n gwynsow a hwythas ha deghesi war an chi na mes ev ny goedhas, rag y vos selys war garrek.

Diskwedhyans 18:21

Hag unn el galloesek a gemmeras men kepar ha men-melin bras, ha'y dewlel y'n mor, ow leverel, ‘Yndella, gans garowder, Babylon an sita vras a vydh tewlys war-nans, ha ny vydh kevys namoy.

Diskwedhyans 8:7

Ha'n kynsa a hwythas hag y siwyas keser ha tan kemmyskys gans goes hag a veu tewlys dhe'n dor, ha'n tressa rann a'n norvys a veu leskys, ha'n tressa rann a'n gwydh a veu leskys hag oll an gwyrwels a veu leskys.